Quotes New

Audio

Forum

Read

Contests

Language


Write

Sign in
Wohoo!,
Dear user,
ଜଗନ୍ନାଥ : ଗୋବର କଣ୍ଢେଇ
ଜଗନ୍ନାଥ : ଗୋବର କଣ୍ଢେଇ
★★★★★

© Ranjit Sahu

Others

4 Minutes   7.7K    14


Content Ranking

ସମସ୍ତେ ପୁରୀ ଚାଲିଗଲେ I ରଥଯାତ୍ରା ଦେଖିବାକୁ କିଏ କାହିଁକି ସୁଯୋଗଟିଏ ଛାଡିବ? କେତେ ଜନ୍ମର ପୁଣ୍ୟ କରିଥିଲେ ଏହି ଭାଗ୍ୟ ପ୍ରାପ୍ତି ହୁଏ I ଘରେ ନିର୍ମଳା ଏକା I ଦୁଇଟି କନ୍ୟା ସନ୍ତାନ ଜନ୍ମ କରିଥିବାରୁ ପ୍ରତିଦିନ ଗଞ୍ଜଣା ଶୁଣୁଛି I ଶାଶୁ, ଶଶୁର, ଦିଅର, ନଣନ୍ଦ, ସ୍ଵାମୀ ସବୁ ପୁରୀ ଯାଇଛନ୍ତି ରଥଯାତ୍ରା ଦେଖିବାକୁ I ଘରେ ବଡ ଝିଅ ପାଞ୍ଚ ବର୍ଷର ପୁଷ୍ପାଞ୍ଜଳି ଆଉ ଛୋଟ ଝିଅ ଏକ ବର୍ଷର ଶ୍ରଦ୍ଧାଞ୍ଜଳି I ଗାଈ ଦୁଇ ମୁଣ୍ଡ ଅଛନ୍ତି ଘରେ I ସେମାନଙ୍କ ଦେଖା ରଖା ଆଉ ଛୋଟ ଛୁଆର ଯତ୍ନ ନେବା ଲାଗି ରହି ଯାଇଛି ନିର୍ମଳା I ଯାଉ ଯାଉ ଶାଶୁ ଦୁଇ ପାଦ ଶୁଣେଇ ଯାଇଛନ୍ତି, ଯିଏ ପୁଣ୍ୟ କରିଥିବା ତାକୁ ହିଁ ଜଗନାଥ ଦର୍ଶନ ଦିଅନ୍ତି I ସେ ନିଶ୍ଚୟ ପାପୀ , ନହେଲେ ଦୁଇଟି ଝିଅ କେମିତି ଜନ୍ମ କଲା? ବଂଶ ଲୋପ ହେଇଯାଆନ୍ତା ଯଦି ତା' ଯା ପୁଅ ଜନ୍ମ କରି ନ ଥାଆନ୍ତା I ସେଥି ପାଇଁ ତାକୁ ବହୁତ ଆଦରରେ ନେଇ ଯାଇଛନ୍ତି ପୁରୀ ଯଦିଓ ତା' ଛୁଆ ମାତ୍ର ଆଠ ମାସର I

ନିଜକୁ ବହୁତ ଧିକାରିଛି ନିର୍ମଳା ଗତ କାଲି ଠାରୁ I କେଜାଣି କେବେ ତାର ରଥଯାତ୍ରା ଦେଖିବାର ଇଛା ପୁରଣ ହେବ ! ଗତ ଦଶ ବର୍ଷ ହେଲା କୌଣସି ବାହାନାରେ ଘର ଲୋକ ତାକୁ ଛାଡି ଯାଉଛନ୍ତି I ତା ବାହା ଘର ପାଞ୍ଚ ବର୍ଷ ପର୍ଯ୍ୟନ୍ତ ଛୁଆ ନ ହେବାର ବାହାନା କରିକି I ତା ପରେ ଛୁଆ ଛୋଟ ଅଛି କହିକି I ଏ ବର୍ଷ ଗାଈ ଦୁଇ ମୁଣ୍ଡକୁ ବାହାନା କରିଛନ୍ତି I ଗାଁର ଶେଷ ମୁଣ୍ଡରେ ଘର, ପାଖରେ ଜମି, ନିକଟତମ ଘର ଦୁଇ କିଲୋମିଟର ଆଉ ସେହିଠାରେ ଛାଡି ଯାଇଛନ୍ତି ନିର୍ମଳାକୁ I ତା' ପରେ ତା ଯା ଆସିଛି ବାହା ହେଇକି କିନ୍ତୁ ତାକୁ ନେଇଗଲେ ସାଥିରେ, ବାହାନା କରିକି କି ଦିରକୁ ନ ଦେଖିଲେ ତା ପୁଅ କାନ୍ଦୁଛି ଆଉ ଖାଉନି, ଆଉ ଏତେ ଛୋଟ ଛୁଆକୁ ମା ମଧ୍ୟ ଦରକାର I ଗତ ବାର ବର୍ଷ ହେଇଗଲା ପରିବାରର ସମସ୍ତେ ପୁରୀ ଯାଉଛନ୍ତି I ଏଥର ନଗଲେ କୁଆଡେ ଖଣ୍ଡିଆ ହେଇଯିବ I

ସକାଳୁ ଉଠି ଗାଈ ଗୁହାଳ ସେବା କରି , ଗାଧେଇ ପୂଜା ସାରି ବସିଥାଏ ନିର୍ମଳା I ମନରେ କୋଟିଏ ପ୍ରଶ୍ନ ଆଉ କୋଟିଏ କୋହ I ସତରେ କଣ ସେ ଏତେ ପାପୀ I ଗାଈ ଯୋଡିକ ଚରିବା ପାଇଁ ନେଇଗଲା ପରେ ଯାଇ ଯାହା ବାକି କାମ କରିବ I କଣ କରିବା ଭାବି ଦୂରଦର୍ଶନ ଆରମ୍ଭ କରିଦେଲା ଦେଖିବା I ଲକ୍ଷାଧିକ ଲୋକଙ୍କ ମେଳାରେ କଳା ଠାକୁର ପହଣ୍ଡି ହେବେ I ହୁଏତ ଏହାହିଁ ତାହାର ଭାଗ୍ୟରେ ଲେଖା I ହୋଉ ଏତିକି ବି କାମ ନୁହଁ I ବାପଘରେ ଗରିବ ବୋଲି ଏତିକି ବି ଦେଖିବାକୁ ପାଉ ନଥିଲା I ଗାଉଁଲି ଆଲଫ ଶିକ୍ଷିତ ଝିଅଟିଏ ସବୁ ସହିଯିବ ବୋଲି ତାକୁ ବାହା ହୋଇଥିବା କଥା ବେଶୀ ଦିନ ଆଉ ଲୋକହିଁ ନଥିଲା ନିର୍ମଳା ଠାରୁ I ସ୍ୱାମୀ, ଶାଶୁ ଆଉ ଅନ୍ୟ ମାନଙ୍କର ଅନେକ ଯାତନା ସହିଛି ସିଏ ଗତ ଦଶ ବର୍ଷରେ I

"ମା ମୋ ରଥ ଟାଣିବୁ ଆ I " ପୁଷ୍ପାଞ୍ଜଳିର ଡାକରେ ବାସ୍ତବ ଜଗତକୁ ଫେରିଲା ନିର୍ମଳା I

"ତୋ' ରତଃ କୁଆଡୁ ଆସିଲା?" ନିର୍ମଳା ଛୋଟ ଛୁଆଟିକୁ ଧରି ବାହାରିଲା ଅଗଣାକୁ I

ଛୋଟିଆ ଖେଳଣାର ଗାଡ଼ିରେ ଦୁଇଟି ଦଉଡି ବାନ୍ଧି ସେଥିରେ ଦୋଳ ପୂର୍ଣ୍ଣିମାରେ କିଣିଥିବା ତିନିଟି ଗୋବର କଣ୍ଢେଇକି ସଜେଇଛି ପୁଷ୍ପା I ବାଡିରୁ କିଛି ଫୂଲ ମଧ୍ୟ ତୋଳି ସଜେଇ ଦେଇଛି I

ଆଖିରୁ ଧାର ଧାର ଲୁହ ବହିଗଲା ନିର୍ମଳାର I ଜାବୁଡି ଧରିଲା ପୁଷ୍ପରେକୁ ଆଉ ଭ ଭୋ ହୋଇ କାନ୍ଦି ଉଠିଲା I ତା ପରେ ରଥକୁ ଦୁଇ ପାହୁଣ୍ଡ ଟାଣି ଦେଲା, ମୁଣ୍ଡିଆଟିଏ ମାରି ଦେଲା I ଟାଣି ଟାଣି ନେଇଗଲା ଘର ଭିତରକୁ ରଥକୁ I

"ହଉ ଏଥର ବଡ ରଥ ଦେଖିବା", ନିର୍ମଳା କହିଲା ଆଉ ଦୁଇଟି ଛୁଆକୁ ନେଇକି ବସି ଗଲା ଦୂରଦର୍ଶନ ସାମ୍ନାରେ I ହାତରେ ରଥ ଦୌଡ଼ି ଅନ୍ୟମନସ୍କ ଭାବରେ ଧରିଥାଏ ପୁଷ୍ପା ସାଥିରେ I

ଘଡଘଡି ଶବ୍ଦରେ ଚମକି ପଡିଲା ନିର୍ମଳା I

ସ୍ଵାମୀ ଦେଇଥିବା ସେଲଫୋନ ବାଜି ଉଠିଲା I

"ମା ଆଜି କୁଆଡେ ବର୍ଷା ହେବ I ଆଜି ଗାଈ ଚରିବାକୁ ଯିବେନି I " ଅପର ପାର୍ଶ୍ବରୁ ଗାଇ ଜଗୁଆଳିର କଣ୍ଠ ଶୁଭିଲା I

ତାହା ହେଲେ ଆଜି ପୁଣି କାମ ଅଧିକା, ଗୌ ସେବା ଅଧିକା I

ଯାତ୍ରା ପ୍ରସାରଣ ସରିଲେ କାମ କରିବ ଭାବି ପୁଣି ସେ ଆଡକୁ ଧ୍ୟାନ ଦେଲା ନିର୍ମଳା I

ପୁଣି ଥରେ ସେଲଫୋନ ବାଜି ଉଠିଲା I

"ଆମେ ଯାତ୍ରା ଦେଖିବାକୁ ଯାଇ ପାରୁନୁ I ଛୁଆ ଦେହ ଖରାପ ହେଇଗଲା I କାଲି ଗୁଣ୍ଡିଚା ବାଡ଼ିରେ ଦର୍ଶନ କରିକି ପଅର ଦିନ ଫେରିବୁ I ଏହି ଭଡାଟିଆ ଘରେ ଦୂରଦର୍ଶନରେ ଦେଖିନେବୁ I ସେଠି ସବୁ ଠିକ ତ ? ଏବେ ଗାଈ ଜଗୁଆଳି ପିଲା ଫୋନ କରିଥିଲା I କୁଆଡେ ଟ୍ରାନ୍ସଫୋରମେରଟିଏ ପୋଡି ଯାଇଛି ଆଉ ଅଧା ଗାଁରେ ବିଜୁଳି ନାହିଁ, ଖାଲି ପାହାଡ ଉପର ପାଖର ଗାଁରେ ଅଛି ସେଥି ପାଇଁ ସିଏ ଆସିବନି I " ଅପର ପାର୍ଶ୍ବରୁ ତା ସ୍ଵାମୀ କହୁଥିଲେ I

"ହଁ ଏଠି ସବୁ ଠିକ ଅଛି I ପାୱାର ଯାଇନି I ମୋତେ ବି ଫୋନ କରିଥିଲା ତୁମର ଫୋନରେ " ନିର୍ମଳ ଉତ୍ତର ଦେଲା I

ଫୋନ ରଖିଦେଲା ତା' ସ୍ଵାମୀ I

ପୁଣିଥରେ ଘଡଘଡି ଶବ୍ଦରେ ବାହାରକୁ ଚାହିଁଲା ନିର୍ମଳା I ଅଳ୍ପ ସମୟ ଆଗରୁ ପାହାଡ଼ ଉପର ଗାଁରେ ଆଲୁଅ ଦିଶୁଥିଲା I ଏବେ ତାହା ମଧ୍ୟ ଦିଶୁନି I ପହଣ୍ଡି ଆଉ ଯାତ୍ରା ଅଳ୍ପ ସମୟ ବାକି ଅଛି I

"ହେ ପ୍ରଭୁ ଏଠି ବିଜୁଳି ନଯାଉ I " ହାତ ଯୋଡି କହିଲା ନିର୍ମଳା I ଗାଁ ବାହାରେ ଥିବାରୁ ତାଙ୍କ ଘର ପାଇଁ ଅନ୍ୟ ଗାଁର ବିଜୁଳି କନେକ୍ସନ ଲାଗି ଥିଲା I

ପୁଷ୍ପାର ରଥ ଆଡକୁ ଚାହିଁଲା ନିର୍ମଳା I ତିନି ମୂର୍ତି ଯେମିତି ହସୁଥିଲେ I

ଦୂରଦର୍ଶନରେ ପହଣ୍ଡି ଆରମ୍ଭ ହେଇ ଦୁଇ ଠାକୁର ବିଜେ କରି ସାରି ଥିଲେ I ନନ୍ଦିଘୋଷ ଆଗରେ କାଳିଆ ଠାକୁରଙ୍କ ପହଣ୍ଡି ଆରମ୍ଭ ହେଲା I ଆଉ ରଥ ଟଣା ଆରମ୍ଭ ହେଲା I

ସ୍ଵତଃ ଟାଣି ହେଇଗଲା ଦଉଡ଼ିଟି ନିର୍ମଳାର ହାତରେ I ବାହାରେ ଗାଈ ଦୁହେଁ ହମ୍ବା ରଡି ଅଲେ ସତେକି କେହି ଘରକୁ ଆସିଲା I କିନ୍ତୁ ଝରକା ଵାହରକୁ ଚାହିଁ ଦେଖିଲା କେହି ନାହିଁ I ଗୋବର କଣ୍ଢେଇ ମୁଣ୍ଡରୁ ଅକସ୍ମାତ ଫୁଲଟିଏ ଖସିଗଲା I ଆଖି କୋରଡ଼ାରୁ ଦେଖିଲା ନିର୍ମଳା I

ଦୁଇ ହାତ ଯୋଡି ଦେଲା ଗୋବର କଣ୍ଢେଇ ଆଡକୁ I ତା ପରେ ଦୂରଦର୍ଶନରେ ଦିଶୁଥିବା ଚକାନୟନକୁ I

ଜାବୁଡି ଧରିଲା ପୁଷ୍ପାକୁ I ଆଖିରୁ ଧାର ଧାର ଲୁହ ଆଉ ଥରେ ହସ I ଦୂରଦର୍ଶନରେ ପୁରୀ ବଡ ଦାଣ୍ଡରେ ନନ୍ଦିଘୋଷ ଚାଲିଥିଲା ଆଉ ପୁଷ୍ପ ସହ ନିର୍ମଳ ଟାଣୁଥିଲା ସେହି ଛୋଟ ଖେଳଣାଟିକୁ .....

ରଥଯାତ୍ରା ନିର୍ମଳା ଗୋବର କଣ୍ଢେଇ

Rate the content


Originality
Flow
Language
Cover design

Comments

Post

Some text some message..