Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ଆଈ ମା'ର ଗପ ଚାଙ୍ଗୁଡ଼ି

Inspirational

3  

ଆଈ ମା'ର ଗପ ଚାଙ୍ଗୁଡ଼ି

Inspirational

ଚୋର ସାଧୁ ପାଲଟିଲା

ଚୋର ସାଧୁ ପାଲଟିଲା

2 mins
556


ଏକଦା ଗୋସ୍ୱାମୀ ତୁଳସୀ ଦାସ ରାତିରେ କୌଣସି ଏକ ସ୍ଥାନରୁ ଫେରୁଥିଲେ । ସେ ଏକୁଟିଆ ଆସୁଥିବା ବେଳେ ବାଟରେ ଜଣେ ଚୋରକୁ ଭେଟିଲେ । ଅନ୍ଧାର ରାତିରେ ଚୋରଟି ତୁଳସୀ ଦାସଙ୍କୁ ଦେଖି ପଚାରିଲା କିଏ ତୁମେ? ତୁଳସୀ ଦାସ ଉତ୍ତର ଦେଲେ, ଭାଇ ତୁମରି ପରି ମଣିଷଟିଏ । ଚୋରଟି ନିଜ ବୁଦ୍ଧିରେ ବିଚାର କଲା ଇଏ ମୋ ଭଳି ଗୋଟାଏ ଚୋର ନିଶ୍ଚୟ । ସେ ଖୁସି ହୋଇ କହିଲା – “ହଁ ବୁଝିଗଲି, ତୁମେ ବୋଧେ ଏ କାମରେ ନୂଆ । ଏବେ ମୋତେ ଟିକିଏ ସାହାଯ୍ୟ କର ।”

ଚୋରଟି ଜଣେ ଧନୀ ଲୋକର ଘରେ ସିନ୍ଧି କରି ଚୋରି କରିବାକୁ ଯାଉଥିଲା । ତୁଳସୀ ଦାସଙ୍କୁ ତା’ର ସମଧର୍ମୀ ବୋଲି ଭାବି କହିଲା – “ତୁମେ ଏଠାରେ ଜଗି ଥାଅ । ମୁଁ ବର୍ତ୍ତମାନ ଘର ଭିତରେ ପଶୁଛି । ଟିକେ ସାବଧାନରେ ଥିବ, ଯଦି କେହି ଆସେ ମୋତେ ସତର୍କ କରାଇଦେବ ।”

ଚୋରଟି ସିନ୍ଧିକରି ଘର ଭିତରେ ପଶିବାର ଅଳ୍ପକ୍ଷଣ ମଧ୍ୟରେ ତୁଳସୀ ଦାସ ନିଜ ଝୁଲାମଣିରୁ ଶଙ୍ଖଟିଏ ବାହାର କରି ଫୁଙ୍କିବାକୁ ଲାଗିଲେ । ଶଙ୍ଖଶବ୍ଦ ଶୁଣି ଘର ଭିତରେ ପଶି ଚୋରି କରୁଥିବା ଚୋରଟି ଡରିଗଲା । ସେ କ୍ଷଣେ ମାତ୍ର ଡେରି ନକରି ଶୀଘ୍ର ବାହାରକୁ ବାହାରି ଆସିଲା ।

ସେ ବାହାରକୁ ବାହାରି ଆସି ଦେଖିଲା ତୁଳସୀ ଦାସଙ୍କ ହାତରେ ଶଙ୍ଖ, ସେଠାରେ ତାଙ୍କ ବ୍ୟତୀତ ଅନ୍ୟ କେହି ନାହାଁନ୍ତି । ଚୋରଟି ତୁଳସୀ ଦାସଙ୍କ ହାତରୁ ଶଙ୍ଖଟି ଛଡାଇ ନେଇ ରାଗିଯାଇ କହିଲା କେହି ନଥିବାବେଳେ ତୁମେ ଶଙ୍ଖ ବଜାଇଲ କାହିଁକି?

ତୁଳସୀ ଦାସ ନମ୍ର ଭାବରେ କହିଲେ – “ମୋତେ ତ କହିଯାଇଥିଲ ଯଦି କାହାକୁ ଦେଖିବ ତା’ହେଲେ ମୋତେ ସତର୍କ କରାଇଦେବ । ମୁଁ ମୋର ଚାରିପାଖରେ ମର୍ଯ୍ୟାଦା ପୁରୁଷୋତ୍ତମ ପ୍ରଭୁ ଶ୍ରୀରାମ ଚନ୍ଦ୍ରଙ୍କୁ ଦେଖିଲି । ମୁଁ ମନେ ମନେ ଭାବିଲି ପ୍ରଭୁ କାଳେ ଜାଣିନେବେ ଯେ ମୋର ନିଜ ସାଥୀ ଚୋରି କରୁଛି । ଚୋରି କରିବା ତ ମହା ପାପ, ତେଣୁ ସେ ନିଶ୍ଚିତ ଭାବରେ ଦଣ୍ଡ ଦେବେ । ଏହି କାରଣରୁ ଆପଣା ଲୋକକୁ ସାବଧାନ କରାଇ ଦେବା ପାଇଁ ମୁଁ ଉଚିତ୍ ମଣିଲି, ତେଣୁ ଶଙ୍ଖ ବଜାଇଲି ।

ଚୋରଟି କହିଲା – “ପ୍ରଭୁ ରାମଚନ୍ଦ୍ରଙ୍କୁ ତୁମେ କେଉଁଠି ଦେଖିଲ?” ତୁଳସୀ ଦାସ କହିଲେ – “ଭଗବାନ୍ କେଉଁଠି ନାହାଁନ୍ତି? ସେ ତ ସର୍ବଜ୍ଞ, ସର୍ବ ଦର୍ଶୀ, ଅନ୍ତର୍ଯ୍ୟାମୀ । ସେ ତ ସବୁଠାରେ ଥାଆନ୍ତି । ମୁଁ ଦେଖି ପାରୁଛି ପ୍ରଭୁ ଏ ସଂସାରର ସବୁସ୍ଥାନରେ ବିରାଜମାନ କରିଛନ୍ତି । ନିର୍ଦ୍ଦିଷ୍ଟ ଭାବେ କେଉଁ ସ୍ଥାନରେ ଦେଖିଲି କେମିତି କହିବି?”

ଚୋରଟି ତୁଳସୀ ଦାସଙ୍କ ମୁହଁରୁ ଏକଥା ଶୁଣି ସେ ବୁଝିଗଲାଯେ ସେ ଯାହାଙ୍କୁ ନିଜ ସାଥୀ ଚୋର ବୋଲି ମନେକରୁଥିଲା ସେ ଚୋର ନୁହଁନ୍ତି, ଜଣେ ସାଧୁ ପୁରୁଷ, ମହାତ୍ମା । ସନ୍ଥ ତୁଳସୀ ଦାସଙ୍କ ଦୟାରୁ ହଠାତ୍ ଚୋରର କଳୁଷିତ ହୃଦୟରେ ସନ୍ଥଙ୍କ ପ୍ରତି ଶ୍ରଦ୍ଧାଭାବ ଜାଗ୍ରତ ହେଲା । ଚୋରଟି ତାଙ୍କ ପାଦତଳେ ପଡିଯାଇ କହିଲା – “ହେ ମହାତ୍ମା ! ଆପଣ ମୋତେ ସଦ୍ବୁଦ୍ଧି ଦେଲେ । ମୁଁ ଆପଣଙ୍କ ପାଦଛୁଇଁ ଶପଥ କରୁଛି ଆଜିଠାରୁ ଏ ଚୋରି ଭଳି ଘୃଣ୍ୟ କାର୍ଯ୍ୟ କରିବି ନାହିଁ ।” ଚୋରଟି ଚୋରିବୁଦ୍ଧି ଛାଡି ସନ୍ଥ ତୁଳସୀ ଦାସଙ୍କର ଶିଷ୍ୟ ହୋଇ ରହିଲା ।


Rate this content
Log in

Similar oriya story from Inspirational