ଜଗତର୍ ହିତେ
ଜଗତର୍ ହିତେ
1 min
222
ଜଗତର୍ ହିତେ ଉଦସି ସୁରୁଜ୍
ଉଦ୍ସିି ଚନ୍ଦର୍ ତାରା
ଜଗତର୍ ହିତେ ଵୁହି ଯାଏସି
ଗଙ୍ଗା ଯମୁନାର୍ ଧାରା । ୧
ଜଗତର୍ ହିତେ ହେସି ରାଏତ୍
ହେସି ଆରୁ ବି ଦିନ୍
ଜଗତର୍ ହିତେ ଗଛ୍ ବଢ୍ସି
କେନ୍ଦୁ,ମହୁଲ୍,ଚାଁର୍,ଛିିନ୍। ୨
ଜଗତର୍ ହିତେ କୁଇଲି ଗାଏସି
କୁଆ ଵନ୍ସୀ ଦୁୁତ୍
ଜଗତର୍ ହିତେ କୁକ୍ରା ଡାକ୍ସି,
କେତେ ଶୁୁୁୁଇଵୁ ଉଠ୍ ? ୩
ଜଗତର୍ ହିତେ କହଁଁର୍ ଛୁୁଟାସି,
ଗୁଲା,ମାଲତି,ମଲି
ଜଗତର୍ ହିତେ ଠଙ୍ଗ୍ରୋ ଝିଟକା
ଜୁଏତି ଯାଏସି ଜଲି। ୪
ଜଗତର୍ ହିତେ ଛେତ୍ରା ଵୁୁଟା
ସହେସି ମାନେ'ର୍ ପାହାଁଁ
ଜଗତର୍ ହିତେ ଝରନ୍ ବୁହିସି
ଵହଁଡି ଗୁପି ରାହା। ୫
ଜଗତର ହିତେ ନି ଗନିି କରି
ଦୁଖର୍ ମୁନ୍ଦଲ୍ ଠେଟ୍
କୋସଲ୍ ମାଏଟ୍ ବୁୁଝା ଵୁହିଛେ
ନି ବାଛି ଵରନ୍ ଜେ'ତ୍। ୬
ଜଗତର୍ ହିତେ ରହିିିିଛେ ପବନ୍
ଵାଦଲ୍,ମାଏଟ୍,ଜୁୁଏ
ଜଗତର୍ ହିତେ ଜନମ୍ ହେଇଛୁୁଁ
କୋସଲ୍ ମାଟିର୍ ଛୁଏ । ୭