Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ଓଡିଆ ଶିଶୁ ଗପ

Children

2  

ଓଡିଆ ଶିଶୁ ଗପ

Children

ଆକବର ବିରବଲ - ୮୨

ଆକବର ବିରବଲ - ୮୨

3 mins
7.4K


ଅଧିକ ବିଦ୍ୱାନ୍ ଓ ଗୁଣବାନ୍- ୨

ପଣ୍ଡିତ ଜଣଙ୍କ ସମ୍ରାଟଙ୍କର ଆଦେଶ ପାଇ ସଙ୍ଗେ ସଙ୍ଗେ ଗଣିବାକୁ ଚାଲିଗଲା ଓ ସଂଗେ ସଂଗେ ଫେରିଆସି ବିନୀତ ଭାବରେ କହିଲା – ଜାହାଁପନା, କୁତି ଗୋଟିକର ପାଂଚ ଗୋଟି ଛୁଆ ହୋଇଛି ।

ସମ୍ରାଟ୍ କହିଲେ – ଭଲ ଭାବରେ ଗଣନା କରି କହୁଛ ତ?

ଆଜ୍ଞା! ମୁଁ ଭଲଭାବେ ଗଣନା କରି ଅଛି ।

ତାହା ହେଲେ ସେହି କୁତିଟି ଜନ୍ମ ଦେଇଥିବା ଛୁଆଙ୍କ ମଧ୍ୟରେ କେତୋଟି ମାଈ ଓ କେତୋଟି ଅଣ୍ଡିରା ତାହା ଏବେ କହିପାରିବ ।

ନାହିଁ ହଜୁର୍ । ମୋତେ ପୁଣିଥରେ ଦେଖି ଦେଇ ଆସିବାକୁ ହୁକୁମ୍ ହେଉ ।

ତାହା ହେଲେ ଯାଅ ମୋତେ ଆସି ଗଣିକରି ସଠିକ୍ ଭାବରେ କୁହ ଯେ ସେହି କୁତିଟିର କେତୋଟି ମାଈ ଛୁଆ ଓ କେତୋଟି ଅଣ୍ଡିରା ଛୁଆ ।

ଏହାପରେ ପଣ୍ଡିତଙ୍କର ଦଳପତି ଯାଇ କୁକୁରକୁ ଦେଖି ଆସି କହିଲା – ହଜୁର୍ ମୁଁ ଦେଖି ଆସି କହୁଛି ଯେ କୁତିଟି ଦୁଇଗୋଟି ଅଣ୍ଡିରା ଓ ତିନିଗୋଟି ମାଈ ଛୁଆଙ୍କୁ ଜନ୍ମ ଦେଇଛି ।

ସମ୍ରାଟ୍ ପଚାରିଲେ – ତୁମେ ମୋତେ ଏବେ କୁହ ଯେ ସେମାନଙ୍କ ମଧ୍ୟରୁ କାହାର ରଙ୍ଗ କିପରି ।

ସମ୍ରାଟଙ୍କ ପ୍ରଶ୍ନର ଉତ୍ତର ଦେବା ନିମନ୍ତେ ଆଉ ଥରେ ପଣ୍ଡିତମାନଙ୍କ ଦଳପତିଙ୍କୁ ଦରବାରର ପୃଷ୍ଠଦେଶକୁ ଯିବାକୁ ପଡିଲା । ପୁଣି କିଛି ସମୟ ପରେ ଦଳପତି ଆସି କହିଲା – କୁତିର ସେହି ଛୁଆମାନଙ୍କ ମଧ୍ୟରୁ ଗୋଟିଏ କଳା ଆଉ ଗୋଟେ ବୋଧହୁଏ ସଫେଦ୍ । ଅଣ୍ଡିରା ଛୁଆଟି ସମ୍ପୂର୍ଣ୍ଣ କଳା ଓ ଅନ୍ୟଟି ବାଦାମୀ ରଙ୍ଗର ଅଟେ । ଏହା ବ୍ୟତୀତ କୁତିର ମାଈ ଛୁଆଙ୍କ ମଧ୍ୟରୁ ଦୁଇଗୋଟି କାଳିଆ ହୋଇଥିବା ବେଳେ ଗୋଟାଏ ହଜୁର୍ ବାଦାମୀ ରଙ୍ଗର ।

ଏହାପରେ ସମ୍ରାଟ୍ କହିଲେ, ଏବେ ତୁମେ ତୁମ ଆସନରେ ଯାଇ ବସିପାର । କାରଣ ତୁମ୍ଭର ପରୀକ୍ଷା ସମାପ୍ତ ହୋଇଅଛି ।

ସମ୍ରାଟଙ୍କର ଆଦେଶ ପାଇବା ମାତ୍ରେ ଅଧା ଜୀବନରେ ଥିବା ପଣ୍ଡିତଙ୍କର ପ୍ରାଣ ସମ୍ପୂର୍ଣ୍ଣ ହେଲା । ସେ ତରବର ହୋଇ ଯାଇ ନିଜ ଆସନରେ ବସିବାବେଳକୁ ଝାଳ ବୋହି ପଣ୍ଡିତଙ୍କର ଲୁଗାପଟା ସଂପୂର୍ଣ୍ଣ ଭିଜିଯାଇଥିଲା ।

ପଣ୍ଡିତଙ୍କର ଦଳପତି ଏଥର ଯାଇ ନିଜର ଆସନରେ ବସିପଡନ୍ତେ ସମ୍ରାଟ୍ କହିଲେ – ସମ୍ବାଦ ପଠାଇଥିଲି ବିରବଲ ମୋ ଦରବାରରେ ଉପସ୍ଥିତ ହେଲେ ନା ନାହିଁ ।

ବୀରବଲ ସଙ୍ଗେ ସଙ୍ଗେ ଚାଲିଥିବା ଦରବାର ମଧ୍ୟରେ ଦଣ୍ଡାୟମାନ ହୋଇଯାଇ କହିଲେ, ଜାହାଁପନା, କୁହନ୍ତୁ, ମୁଁ ଆପଣଙ୍କର ବୀରବଲ ଏଠାରେ ଉପସ୍ଥିତ ହୋଇଛି ।

ଆସିଯାଇଛ ତାହା ହେଲେ, – ଏହା କହି ବାଦ୍ଶାହା ହସି ଦେବା ସହିତ କହିଲେ – ବିରବଲ ତୁମେ ଏଥର ମୋତେ କହିଲ ଦେଖି ଦରବାରର ପୃଷ୍ଠଦେଶରେ କାହାର ଶବ୍ଦ ହେଉଅଛି ।

ଆଜ୍ଞା ହଜୁର୍ – କହି ବିରବଲ ଦରବାରର ପୃଷ୍ଠଦେଶକୁ ଚାଲିଗଲେ । ପାରିଷଦଗଣମାନେ ଚାହିଁ ରହିଥାନ୍ତି, ସଂଗେ ସଂଗେ ବିରବଲ ଫେରି ଆସି କହିଲେ – ହେ ଜାହାଁପନା, କୁତି ଗୋଟାକ ପାଂଚ ଗୋଟି ସନ୍ତାନ ପ୍ରସବ କରିଛି । କୁତି ତା’ର ଛୁଆକୁ କେହି ନେଇଯିବ କିମ୍ବା କେହି ଛୁଆମାନଙ୍କ ସାଥିରେ ଲାଗିବା ଭୟରେ ମଝିରେ ମଝିରେ କୁଆଁ କୁଆଁ ଶବ୍ଦରେ ବୋବାଉ ଅଛି । ଏହା ବ୍ୟତୀତ କିଛି ନାହିଁ ।

ସମ୍ରାଟ୍ ପୁଣି ପଚାରିଲେ – କୁତିର ଯେଉଁ ପାଂଚଗୋଟି ଛୁଆ ଦେଖିଲ ସେମାନଙ୍କ ମଧ୍ୟରୁ ଅଣ୍ଡିରା ଓ ମାଈ ଛୁଆଙ୍କ ସଂଖ୍ୟା କହିପାରିବ?

ବିରବଲ ସଂଗେ ସଂଗେ ଉତ୍ତର ଦେଲେ ଯେ, କୁତି ଦେଇଥିବା ଛୁଆଙ୍କ ମଧ୍ୟରୁ ଦୁଇଗୋଟି ଅଣ୍ଡିରା ଓ ତିନିଗୋଟି ମାଈ ଅଛନ୍ତି, ହଜୁର୍ ।

ତୁମେ କ’ଣ ସେହି ଛୁଆଗୁଡିକର ରଙ୍ଗ କଥା ଏବେ କହିପାରିବ?

ବିରବଲ କହିଲେ – କାହିଁକି କହିପାରିବିନି ଆଜ୍ଞା, ସମସ୍ତ କୁକୁରଙ୍କ ମଧ୍ୟରେ ଗୋଟିଏ ସଂପୂର୍ଣ୍ଣ କଳାରଙ୍ଗର ଓ ଅନ୍ୟଟି ବାଦାମୀ ରଙ୍ଗର ଏମାନେ ଅଣ୍ଡିରା ଅଟନ୍ତି । ଅବଶିଷ୍ଟ ତିନିଗୋଟି ମାଈ ଛୁଆଙ୍କ ମଧ୍ୟରୁ ଦୁଇଗୋଟି ସମ୍ପୂର୍ଣ୍ଣ କଳା ଓ ଅନ୍ୟ ଗୋଟିକ ବାଦାମୀ ରଙ୍ଗର ଅଟନ୍ତି ।

ଦରବାରରେ ବିରବଲଙ୍କଠାରୁ ସମସ୍ତ ପ୍ରଶ୍ନର ଉତ୍ତର ଏକାଥରକେ ଶୁଣି ସାରି ସମ୍ରାଟ୍ ଆକବର ଖୁବ୍ ଆନନ୍ଦିତ ହୋଇ ଅନ୍ୟ ପଣ୍ଡିତମାନଙ୍କର ଦଳପତିଙ୍କୁ ଦେଖାଇ କହିବାକୁ ଆରମ୍ଭ କଲେ । ଏଥର ତୁମ୍ଭ ଦଳ ଓ ବିରବଲଙ୍କ ମଧ୍ୟରେ ପାର୍ଥକ୍ୟ କ’ଣ ଦେଖିଲ ।

ଦଳପତି ଏହି ପ୍ରଶ୍ନର ଉତ୍ତର ଦେବାରେ ବିଳମ୍ବ କଲା ଓ ଯାହା କହିବ ବୋଲି ଚେଷ୍ଟା କରୁଥିଲା ସେଥିରେ ସେ ବିଫଳ ହେଲା ।

ସମ୍ରାଟ୍ କହିଲେ – କୁକୁର ସମ୍ବନ୍ଧୀୟ ସମସ୍ତ ପ୍ରଶ୍ନର ଉତ୍ତର ଦେବା ଲାଗି ତୁମ୍ଭଙ୍କୁ କୁତି ପାଖକୁ ଗଣି ଗଣି ତିନିଥର ଯିବାକୁ ପଡିଲା ହେଲେ ବିରବଲ ମାତ୍ର ସେହି ଗୋଟିଏ ଥରରେ ମୋର ସମସ୍ତ ପ୍ରଶ୍ନର ଉତ୍ତର ଦେଇପାରିଲେ । ସେଥିଲାଗି ମୋ ଦରବାରରେ ବିରବଲଙ୍କ ସ୍ଥାନ ଅତି ଉଚ୍ଛରେ ରଖାଯାଇଛି ।

ଆକବରଙ୍କ ମୁଖରୁ ଏକଥା ଶୁଣିବା ମାତ୍ରେ ପଣ୍ଡିତମାନେ ତଳକୁ ମୁଖ ପୋତି ବସିଲେ ଓ ସମସ୍ତ ଦରବାରର ସଦସ୍ୟଙ୍କ ଆଗରେ ନିଜର ଦୋଷ ସ୍ୱୀକାର କଲେ । ବିରବଲ ମଧ୍ୟ ସେମାନଙ୍କୁ ଯାଇ ଆଲିଙ୍ଗନ କଲେ ।


Rate this content
Log in

Similar oriya story from Children