Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Dr Jagatabandhu Mohapatra

Abstract

5.0  

Dr Jagatabandhu Mohapatra

Abstract

ଶ୍ରୀଜଗନ୍ନାଥ

ଶ୍ରୀଜଗନ୍ନାଥ

4 mins
7.8K


" ଶ୍ରୀଜଗନ୍ନାଥ" ଅନନ୍ତ କାଳରୁ ପୁରାଣ , ଧର୍ମ , ସଂସ୍କୃତି ,ଇତିହାସ ଓ ଆଧ୍ୟାତ୍ମିକ ଜଗତର ପ୍ରାଣ କେନ୍ଦ୍ର । ବ୍ରହ୍ମ ପୁରାଣ , ସ୍କନ୍ଧ ପୁରାଣ , ନୀଳାଦ୍ରୀମହୋଦୟ , ନାରଦ ପୁରାଣ , କପିଳ ସଂହିତା ଓ ବାମଦେବ ସଂହିତା ପ୍ରଭୃତି ଶାସ୍ତ୍ର ଝଙ୍କୃତ ହୋଇ ଉଠିଛି , ତାଙ୍କରି ଗୁଣଗାନଗାଥାରେ , ଧର୍ମଜଗତରେ ଆଲୋଡନ ସୃଷ୍ଟି କରିଛି , ତାଙ୍କର ଧର୍ମାଦର୍ଶ , ଦର୍ଶନ ଓ ଚିନ୍ତାଧାରା । ଗୋଟିଏ ସ୍ୱତନ୍ତ୍ର ସଂସ୍କୃତି - ଜଗନ୍ନାଥ ସଂସ୍କୃତି ପରିପ୍ରକାଶ ଲାଭ କରିଛି, ତାଙ୍କୁ ହିଁ କେନ୍ଦ୍ର କରି , ଇତିହାସ ଗଢ଼ି ଉଠିଛି, ତାଙ୍କୁ ଆଧାର କରି ଏବଂ ସେ ହିଁ ଇତିହାସର ସୃଷ୍ଟିକର୍ତ୍ତା ହୋଇଛନ୍ତି ଏବଂ ସର୍ବୋପରି ଆଧ୍ୟାତ୍ମିକ ଆକାଶର ସେ ହେଉଛନ୍ତି, ଉଜ୍ଜ୍ଵଳତମ ନକ୍ଷତ୍ର । ବେଦ , ଉପନିଷଦ, ରାମାୟଣ ,ମହାଭାରତ ତଥା ପୁରାଣ ସାହିତ୍ୟର ସ୍ରଷ୍ଟା , କର୍ତ୍ତା ତଥା ନାୟକ ହେଉଛନ୍ତି ଶ୍ରୀଜଗନ୍ନାଥ ।

ମହାଭାରତରେ ଜଗନ୍ନାଥ ଧର୍ମ ସମ୍ବନ୍ଧରେ କୁହାଯାଇଛି ,

"ଏଷଧର୍ମ ଜଗନ୍ନାଥାତ୍ ସାକ୍ଷାତ୍ ନାରାୟଣାତ୍ ନୃପଃ" l

"ଏବମେଷ ମହାଧର୍ମଃ ସତେ ପୂର୍ବେ ନୃପୋତ୍ତମଃ" l l

ମହାଭାରତ ଯୁଗରେ ପୁରୁଷୋତ୍ତମ ଜଗନ୍ନାଥଙ୍କୁ ନାରାୟଣ ସ୍ୱରୂପରେ ଏବଂ ଜଗନ୍ନାଥ ଧର୍ମକୁ ମହା ଧର୍ମ ଭାବରେ ଗ୍ରହଣ କରାଯାଇଛି ।

ଶ୍ରୀ ଜଗନ୍ନାଥ ଲୀଳାମୟ । ସେ ସଗୁଣ - ନିର୍ଗୁଣ , ପରଂବ୍ରହ୍ମ । ସେ ସନାତନ । ସେ ଦାରୁବ୍ରହ୍ମ। ଅନିର୍ବଚନୀୟ ସଚ୍ଚିଦାନନ୍ଦ । ସେ ଅବ୍ୟକ୍ତ - ଗୁଣାକାର - ଇନ୍ଦ୍ରିୟାତିତ ।

ବିଷ୍ଣୁ ସହସ୍ରନାମରେ ଉଲ୍ଲେଖଥିବା ତିନିଗୋଟି ନାମ , ଔଷଧମ୍ , ଭେଷଜମ୍ , ଭିଷକ, ଏହା ପ୍ରମାଣ କରୁଛି ଯେ ଶ୍ରୀ ଜଗନ୍ନାଥ ହିଁ ଚିକିତ୍ସକ , ସେ ହିଁ ଔଷଧ , ସେ ହିଁ ପଥ୍ୟ ।

ଶ୍ରୀମଦ୍ଭଗବତଗୀତାରେ ଭଗବାନ ଶ୍ରୀକୃଷ୍ଣ ଅର୍ଜ୍ଜୁନଙ୍କୁ ଉପଦେଶ ଦେବା ଛଳରେ କହିଛନ୍ତି l

"ଅହଂ କ୍ରତୁରହଂ ଯଜ୍ଞ ସ୍ବଧାହମହମୌଷଧମ୍" l

"ମନ୍ତ୍ର ଅହଂ ହମେବାଜ୍ୟମହମଗ୍ନିରହମ ହୁତମ" l l

ଅର୍ଥାତ ମୁଁ କ୍ରତୁ , ମୁଁ ଯଜ୍ଞ, ମୁଁ ସ୍ୱଧା , ମୁଁ ଔଷଧ , ମୁଁ ମନ୍ତ୍ର , ମୁଁ ଘୃତ , ମୁଁ ଅଗ୍ନି ଏବଂ ମୁଁ ହିଁ ହବନରୂପୀ କ୍ରିୟା ।





Rate this content
Log in

Similar oriya story from Abstract