Quotes New

Audio

Forum

Read

Contests


Write

Sign in
Wohoo!,
Dear user,
ଆକବର ବିରବଲ - ୬୩
ଆକବର ବିରବଲ - ୬୩
★★★★★

© ଓଡିଆ ଶିଶୁ ଗପ

Children Classics Comedy

2 Minutes   7.3K    13


Content Ranking

ଅଧିକ ବିଦ୍ୱାନ୍ ଓ ଗୁଣବାନ୍ - ୧

ସମ୍ରାଟ୍ ଆକବରଙ୍କ ଦରବାରରେ ନବରତ୍ନ ପଣ୍ଡିତଙ୍କ ମଧ୍ୟରେ ବିରବଲ ଥିଲେ ଜଣେ ସର୍ବଶ୍ରେଷ୍ଠ ପଣ୍ଡିତ । ସମସ୍ତ କାର୍ଯ୍ୟରେ ବିରବଲଙ୍କର ପ୍ରଶସ୍ତି ସମ୍ରାଟ୍ ଗାଉଥିବା ଓ ସମସ୍ତ କାର୍ଯ୍ୟର ସମାଧାନ କାର୍ଯ୍ୟରେ ବିରବଲଙ୍କର ଆବଶ୍ୟକ ସମ୍ରାଟଙ୍କର ଥାଏ ।

ବିରବଲ ଓ ସମ୍ରାଟଙ୍କ ମଧ୍ୟରେ ଏ ଯେଉଁ ସମ୍ପର୍କ ଦେଖି ଦରବାରରେ ଥିବା ଅନ୍ୟ ପଣ୍ଡିତମାନେ ସଦାସର୍ବଦା ଈର୍ଷା କରୁଥିଲେ ଓ ଅଭିଯୋଗ କରିବେ ବୋଲି ବହୁବାର ଚେଷ୍ଟା କରି ମଧ୍ୟ ବିଫଳ ହୋଇଯାଇଥିଲେ । କିନ୍ତୁ କଥା ଆଉ ଏତେ ଦୂର ଗଲା ନାହିଁ । ଏଥର ବାକିଥିବା ପଣ୍ଡିତମାନେ ବିରବଲଙ୍କ ବିରୁଦ୍ଧରେ ଅଭିଯୋଗ ଆଣିବା ନିମନ୍ତେ ଅଂଟା ଭିଡିଲେ । ତେବେ ସମ୍ରାଟଙ୍କ ସମ୍ମୁଖକୁ ଆଉ ଯିବ କିଏ ଓ ଆମ୍ଭମାନଙ୍କର ଅଭିଯୋଗ ଦର୍ଶାଇବ କିଏ । ଏଥିଲାଗି ପଣ୍ଡିତମାନେ ଶେଷରେ ସିଦ୍ଧାନ୍ତ କଲେ ଯେ ଏଥିଲାଗି ଆମ୍ଭମାନଙ୍କ ମଧ୍ୟରେ ଜଣକୁ ମୁଖ୍ୟ ଭାବରେ ଗ୍ରହଣ କରିବା । ସେ ଆମ ତରଫରୁ ମୁଖ୍ୟ ହୋଇ ଆମ୍ଭମାନଙ୍କର ସମସ୍ତ ଅଭିଯୋଗକୁ ନେଇ ସମ୍ରାଟଙ୍କ ନିକଟରେ ପେଶ୍ କରି ନ୍ୟାୟ ବିଚାର ମାଗିବେ ।

ଏହାପରେ ସେମାନେ ଜଣକୁ ଦଳପତି ଗଢି ସମ୍ରାଟଙ୍କ ପାଖକୁ ତାଙ୍କର ଅଭିଯୋଗମାନ ପଠାଇଲେ ।

ସମ୍ରାଟ୍ ଆକବର ଦଳର ମୁଖ୍ୟଠାରୁ ଅଭିଯୋଗ ଗ୍ରହଣ କରିବା ପରେ ଏହାର ବିଚାର ନିମନ୍ତେ ଦୁଇଦିନ ଅପେକ୍ଷା କରିବାକୁ କହି ଚାଲିଗଲେ ।

ତା’ ପରଦିନ ରାଜଦରବାରରେ କାର୍ଯ୍ୟ ଆରମ୍ଭ ହୋଇଥିଲା । ସମସ୍ତ ପଣ୍ଡିତ ଉପସ୍ଥିତ ରହିଲେ । ସମ୍ରାଟ୍ ଯେତେବେଳେ ଆସନ ଅଳଙ୍କୃତ କଲେ ସେ ପ୍ରଥମେ ଘୋଷଣା କଲେ ଯେ ଆଜିଠାରୁ ସାତ ଦିନଯାଏଁ ଦରବାରରେ ଥିବା ଆଠଜଣ ପଣ୍ଡିତଙ୍କ ଦ୍ୱାରା ସଭା ପରିଚାଳିତ ହେବ ଓ ଆଜିଠାରୁ ବିରବଲଙ୍କୁ ସାତ ଦିନ ନିମନ୍ତେ ସଭାରେ ଅନୁପସ୍ଥିତ ରହିବା ଲାଗି ଘୋଷଣା କରାଗଲା ।

ସମ୍ରାଟଙ୍କର ଏପରି ଘୋଷଣା ଶୁଣି ଅନ୍ୟ ପଣ୍ଡିତମାନେ ନିଶ୍ଚୟ ପ୍ରାୟ ଆନ ଆନ ମୁଖକୁ ଚାହାଁଚାହିଁ ହେଲେ ଏବଂ ବିରବଲ ଆଜିଠାରୁ ସାତ ଦିନ ସଭାରେ ଅନୁପସ୍ଥିତ ହେବାର ସମ୍ବାଦ ଶୁଣି ସେମାନେ ବହୁତ ଖୁସି ହୋଇଗଲେ । କାରଣ ଏହି ସାତଦିନ ମଧ୍ୟରେ ସମ୍ରାଟଙ୍କୁ ନିଜ ଆଡକୁ ମନାଇବାର କାର୍ଯ୍ୟରେ ଏମାନେ ସଫଳ ହେବେ ।

ଏପରି କଥା ବିଚାର କରୁ କରୁ ହଠାତ୍ ସଭାରେ ସମ୍ରାଟ୍ ଘୋଷଣା କରି ଦେଲେ ଯେ ଯଥାଶୀଘ୍ର ପଣ୍ଡିତମାନଙ୍କ ଦଳପତି ଏଠାରେ ଆସି ଉପସ୍ଥିତ ହୁଅନ୍ତୁ ।

ସମ୍ରାଟଙ୍କର ଆଜ୍ଞା ପାଇ ପଣ୍ଡିତମାନଙ୍କର ଦଳପତି ଯାଇ ସମ୍ରାଟଙ୍କ ସମ୍ମୁଖରେ ଉପସ୍ଥିତ ହୋଇଗଲେ ଓ ବିରବଲଙ୍କ ବିରୁଦ୍ଧରେ ନାନା ପ୍ରକାର ଅଭିଯୋଗ ଆଣିଲେ ।

ସମ୍ରାଟ୍ କହିଲେ – ଦେଖ, ତୁମଠାରୁ ବିରବଲ ଅଧିକ ଭାବରେ ବିଦ୍ୱାନ୍ ଗୁଣବାନ୍ । ସେଥିଲାଗି ଦରବାରରେ ତାଙ୍କର ଆବଶ୍ୟକତା ଅଧିକ ପଡିଲା, ତେଣୁ ବିରବଲଙ୍କୁ ଡକାଯାଇଥାଏ । ତେବେ ତୁମ୍ଭେମାନେ ଯେବେ ବୀରବଲଙ୍କଠାରୁ ଅଧିକ ଚତୁର ଅଧିକ ବିଦ୍ୱାନ୍ ତାହା ହେଲେ ମୁଁ ଆଜି ଅପେକ୍ଷା କରିବି । ତୁମ୍ଭେ ଯଦି ମୋର ପରୀକ୍ଷାରେ ଉତୀର୍ଣ୍ଣ ହେବ ତାହା ହେଲେ ମୋର ଦରବାରରେ ତୁମ୍ଭମାନଙ୍କର ସ୍ଥାନ ଅଧିକ ଭାବରେ ରହିବ ।

ପଣ୍ଡିତମାନଙ୍କର ଦଳପତି କହିଲେ ଆମ୍ଭମାନଙ୍କର ମଧ୍ୟ ଆପଣଙ୍କର ଆଦେଶ ଶିରୋଧାର୍ଯ୍ୟ ।

ଏହାପରେ ସମ୍ରାଟ୍ ଆକବର ତାଙ୍କର ଦଳପତିଙ୍କୁ କହିଲେ – ଏଥର କୁହନ୍ତୁ ପଣ୍ଡିତ ଦରବାରର ପୃଷ୍ଠଦେଶରେ କୌଣସି ଏକ ଶବ୍ଦ ଶୁଭୁଅଛି । ଯାହା ଆପଣ ଶୁଣି ପାରୁଥିବେ ଆଉ ମଧ୍ୟ ସେହି ଶବ୍ଦ କାହାର ତାହା ଦେଖି ଆସି ମୋ ଆଗରେ ପ୍ରକାଶ କର । ତା’ପରେ ସମ୍ରାଟଙ୍କର ଆଦେଶ ମାନି ପଣ୍ଡିତମାନଙ୍କ ମଧ୍ୟରେ ଯେ ଦଳପତି ସେ ଦରବାରର ପୃଷ୍ଠ ଦେଶକୁ ଯାଇ ସଙ୍ଗେ ସଙ୍ଗେ ଫେରି ଆସି ସମ୍ରାଟଙ୍କ ସମ୍ମୁଖରେ ଦଣ୍ଡାୟମାନ ହୁଅନ୍ତେ ତାଙ୍କୁ ସମ୍ରାଟ୍ ପଚାରିଲେ ଦରବାରର ପୃଷ୍ଠଦେଶରେ କାହାର ଶବ୍ଦ ହେଉଛି ଦେଖିଲେ ।

ପଣ୍ଡିତ କହିଲେ – ଗୋଟିଏ କୁତି ସନ୍ତାନ ପ୍ରସବ କରିଛି । ସେହିମାନେ ହିଁ କୁଆଁ କୁଆଁ ଶବ୍ଦ କରୁଅଛନ୍ତି ।

ଆଚ୍ଛା କହିଲେ ପଣ୍ଡିତେ – ସେହି କୁତିର କେତେ ଗୋଟି ଛୁଆ ହୋଇଛି?

ମୁଁ ସେମାନଙ୍କୁ ତ ଗଣି ପାରିନାହିଁ ହଜୁର୍ ।

ତାହା ହେଲେ ଯାଇ ଗଣିଦେଇ ଆସ ।

ସମ୍ରାଟ୍ ଆକବର ଦରବାର

Rate the content


Originality
Flow
Language
Cover design

Comments

Post

Some text some message..