Library
ଲିଫ୍ଟ ପ୍ଲିଜ୍
ଲିଫ୍ଟ ପ୍ଲିଜ୍
(ମୋ ଚାକିରୀ ଜାଗାଟି ମୋର ନିଜ ଘର ଠାରୁ ୪୦ କିଲୋମିଟର ଦୂର | ସବୁବେଳେ ମୋତେ ଯିବା ଆସିବା କରିବାକୁ ପଡେ | କେବେ ଦୁଇ ଚକିଆ ତ କେବେ ଚାରି ଚକିଆରେ | ସେଇ ଯିବା ଆସିବା ଭିତରେ ଅନେକ ଲୋକ ମୋତେ ଲିଫ୍ଟ ମାଗନ୍ତି | ତାକୁ ନେଇ ଏ କାହାଣୀ |)
ଜିଓ କମ୍ପାନୀର ପିଲାଟିଏ :
ସେଦିନ ପ୍ରାୟ ୪ଟା ବେଳେ ବାହାରି ପଡିଥିଲି | ମୋ ଟୁହୁଇଲର ନେଇ | ଠିକ୍ ଗାଁ ମୋଡ ପାରି ହେଲା ବେଳକୁ ୨୨ କି ୨୩ ବର୍ଷର ପିଲାଟିଏ ମୋତେ ଲିଫ୍ଟ୍ ମାଗିଲା | ବେଶଭୁଷା ତାର କଲେଜ୍ ପିଲା ପରି ଲାଗୁଥାଏ | କିନ୍ତୁ କଲେଜର ଡ୍ରେସ ନଥାଏ | ମୋତେ ପଚାରିଲା , ମୁଁ କେତେ ଦୁର ଯିବି | ମୁଁ କହିଲି, ସେ ଶୁଣି ଖୁସି ହେଇଗଲା | କାରଣ ସିଏ ମଧ୍ୟ ସେଇଠିକୁ ଯିବ | ଆଉ ବାଟରେ କେଉଁଠି ଓହ୍ଲେଇ ଅନ୍ୟ କାହାକୁ ଲିଫ୍ଟ୍ ମାଗିବାକୁ ପଡିବନି , ସେଇ ଖୁସିରେ | ତାକୁ ପଛରେ ବସେଇ ମୁଁ ଏକ ଲୟରେ ଗାଡି ଚଲଉ ଥାଏ | ହଠାତ୍ ତା ଫୋନ୍ ବାଜିଲା | ସିଏ ଫୋନ୍ ରିସିଭ୍ କଲା ,
“ ହଁ .....କୁହ !”
“ଏଇ ଏବେ ତୁମ କଥା ଭାବୁଥିଲି | ମୋବାଇଲରେ ତୁମ ଫଟ ଦେଖି ସାରିଚି କି ନାହିଁ , ତୁମେ ଫୋନ୍ କଲ ପରା !”
(ଆର ପଟରୁ ଆସୁଥିବା କଥା ମୋତେ ଶୁଣାଯାଉ ନଥିଲା )
ମୁଁ ଖାଲି ସେ ପିଲାଟିର କଥାରୁ ଯାହା ଅନୁମାନ୍ କରୁଥିଲି କିଏ ଜଣେ ଝିଅ ବୋଧେ |
ପିଲାଟି କହି ଚାଲିଥିଲା .....
“ହଁ ଏଇ ଏବେ ଯାଉଚି , ଜଣେ ସାରଙ୍କ ସାଙ୍ଗରେ | ତାଙ୍କ ଗାଡିରେ |”
“ହଁ .. ମୁଁ ଖାଇଚି ,,,, ତୁମେ ?”
“ସଂଧ୍ୟାରେ ପହଞ୍ଚି ଯିବି ....ସେଠୁ ଟ୍ରେନରେ ସାଇଡକୁ ଯିବି | ସେଠି ୩ / ୪ ଜଣ ଅଛନ୍ତି | ସବୁ ଠିକ୍ ହବ , ତୁମେ ଚିନ୍ତା କରନି |”
“ଆରେ ! ମିଛ ନୁହେଁ , ସତ !
“ହଉ ... ତୁମେ କହୁଛ ଯଦି ଏଠୁ ଜଣକୁ ଦେଖି ବାହା ହେଇଯିବି |” ହସୁଥିଲା ପିଲାଟି ...
“ ତୁମେ ରେଡି ହେଇଥିବ ତାକୁ ବନ୍ଦେଇବା ପାଇଁ “
ଏମିତି ଅନେକ କଥା ହେଇ ହେଇ ଚାଲିଥାଏ | ମୁଁ ବେଳେ ବେଳେ ଅନ୍ୟ ମନସ୍କ ହେଇ ଯାଇ ସେ କଥାକୁ ଧ୍ୟାନ ଦେଇ ପାରୁ ନଥିଲି |
ବହୁତ ସମୟ କଥା ହେଲାପରେ ଫୋନ୍ କଟିଲା |
ମୁଁ ତାକୁ କିଛି ପଚାରିବାକୁ ଭାବୁଥିଲି , ଠିକ୍ ଏତିକିବେଳେ ଆଉ ଥରେ ଫୋନ୍ ଆସିଲା |
ପିଲାଟି କହୁଥିଲା ....
“ହାଲୋ ! ବିର ! ମୁଁ ଆଉ ଟିକେ ପରେ ଷ୍ଟେସନରେ ପହନଚିବି | ତୁ ବ୍ୟସ୍ତ ହୋ ନା |”
“ ନାଇଁ ନାଇଁ .......ଏତେ ଖଟି ହବନି .... ବାବୁକୁ ସିଧା କହିଦେ ଆଉ ଦୁଇଜଣ ପିଲା ଦେବେ “
“ପଇସା ପତ୍ର ଠିକ୍ ସେ ମିଳୁନି । ସେଥିରେ ପୁଣି ଅଧିକା କାମ ........ହବନି କହିଦେ “
“ହଉ ... ରଖୁଚି ....ପରେ କଥା ହେବି |”
ସିଏ ଫୋନ୍ ରଖିଲା | ମୁଁ ପଚାରିଲି ,
“କେଉଠି କଣ କାମ କର କି ?”
“ଆଜ୍ଞା ! ଏଇ ଜୋଉ ଜିଓ ଟାବାର୍ ରେ “
“କଣ କେତେ ଦିଅନ୍ତି ?”
“କଣ ଆଜ୍ଞା ,ମାତ୍ର ଦଶ ହଜାର | ଆଜିକାଲି ଦଶ ହଜାରରେ କଣ ହବ କହିଲେ ?”
“ହଁ !”
“ଟିଏ , ଡିଏ ମିଳେ , ସେଥିରେ ୨୦୦ ଜାଗାରେ ୫୦୦ ମାଗୁ |”
ଏମିତି କଥା ହେଉ ହେଉ ସିଏ ଓହ୍ଲେଇବା ଜାଗା ପହଂଚି ଗଲା |
“ଥାନ୍କ୍ ଆଜ୍ଞା !”
କହି ଚାଲିଗଲା ...
ସେ ଗଲା ପରେ ଭାବିଲି ....ଆରେ ସେ ପିଲାଟିର ନାଁ ତ ପଚାରିଲିନି ?
