ନିଷ୍ପତ୍ତି
ନିଷ୍ପତ୍ତି
ତେତିଶି ବର୍ଷର ଚାକିରି ପରେ ଅବସର ଗ୍ରହଣ କଲି l ପୁଅ ବୋହୁ ବମ୍ବେରେ ଚାକିରି କରନ୍ତି l ପୁଅ ଚାହୁଁଥିଲା ଆମେ ଦୁହେଁ ଏଥର ତା’ ପାଖରେ ଯାଇ ରହିବୁ l ଗାଆଁରେ ମୋର ବୟସ ଭାରରେ ନଇଁ ଯାଇଥିବା ବାପା ମାଆ l ଉଡା ଚାକିରି, ଭଡା ଘର l ଭଗବାନଙ୍କ ଦୟାରୁ ସେମାନେ ବି ସକ୍ଷମ ଅଛନ୍ତି l ତେଣୁ ତିନି ଚାରି ମାସରେ ଆସି ଦଶ ପନ୍ଦର ଦିନ ରହି ସେମାନେ ପଳେଇଯାଆନ୍ତି ଗାଆଁକୁ l ଇଚ୍ଛା ଥିଲେ ବି ମୁଁ ଜୋର୍ କରିପାରେନି ସେମାନଙ୍କର ସ୍ୱାଧିନତାରେ ହସ୍ତକ୍ଷେପ କରିବା ପାଇଁ l ତେବେ ଏଥର ତ ମୁଁ ପୁରା ମୁକ୍ତ l ଗାଆଁ ଆଉ ଭୁବନେଶ୍ୱର ମଝିରେ ଘରଟିଏ କଲି l ସମସ୍ତଙ୍କୁ ସୁବିଧା ହେବ l
: ଏଥର ମୁଁ ମୋ ବାପା ବୋଉଙ୍କ ସେବା କରିବି l ପୁଅକୁ ମୋର ନିଷ୍ପତ୍ତି ଜଣେଇ ଦେଇ ମୁଁ କାର୍ ବାହାର କଲି ଗାଆଁକୁ ଯିବା ପାଇଁ l ସେଠି ଯେ ମୋର ବହୁତ କାମ ବାକି ପଡିଛି କରିବା ପାଇଁ l