એપ્રિલફૂલ
એપ્રિલફૂલ
વિશ્વાસ આજે ઑફિસેથી રજા લઈ એને ફરવા લઈ ગયો. એ ખુબ જ ખુશ હતી. શોપિંગ મોલમાં કરેલી ખરીદીથી બંને હાથ વ્યસ્ત હતા. દુકાનોમાં ઝાંખતી આગળ આગળ વધી રહી હતી. "સોમી મને કેન્સર છે.." બધી જ બેગ હાથ માંથી સરી, હાસ્ય અદ્રશ્ય થયું, આંખો પૂર બની વહી, બેભાન થઈ જ જતે કે "એપ્રિલ ફૂલ..!" કોમા માંથી પાછી ફરી હોઈ એમ એ વિશ્વાસને વીંટળાઈ રહી. બેગ ઊંચકી ગુસ્સામાં બોલી,"જૂઠું બોલવાની સજા એક મોટી આઈસ્ક્રીમ.." અને ખુશીના ઠેકડા મારતી આઈસ્ક્રીમ સેન્ટર તરફ વધી.
વિશ્વાસ ત્યાં જ થીજી ઉભો હતો પણ વિચારો પ્રવાહમાં હતા સત્ય છુપાવાની સજા.. સોમી... તારા સાથે જીવવાની ને પ્રેમની એ લાંબી લાંબી પ્લાનિંગ ચુપચાપ સાંભળી રહેલું જીવન સાચે જ મને એપ્રિલફૂલ બનાવી ગયું.