నందినైపోతాను
నందినైపోతాను
అదేందో మరి
అట్టా నీ పేరింటే సాలు శివా
ఒళ్లు మరిసిపోతాను
బాధల్ని దూరం జరుపుతాను
అదేందో మరి
నీ గుడి సూస్తే సాలు
పిల్లాడు అమ్మ దగ్గరికి పరిగెత్తినట్లు
నేను నీ దగ్గరికి పరిగెత్తుతాను
శ్రావణంలో నీకు అభిషేకమవుతాను
కార్తీకంలో నీ గుడి దీపమౌతాను
నీ భక్తుల చేతుల్లో మారేడునవుతాను
నువ్వు ఊ అను సామీ
నేను నందినైపోతాను
ఆనక నీలో ఐక్యమైపోతాను.