మాతామహి మమత

మా మాతామహి మాటలు ఎప్పుడూ చిరస్మరణీయం,

ఆమె సర్వసమమైన మమత ఎప్పుడూ ప్రాతఃస్మరణీయం|౧|

చెప్పారు ఎన్నో మంచి విషయాలు,

తెలుగు వాచకం తెలుగు పద్యాలు అందున అందమైన భాగాలు |౨|

మా కోసం చేసారు ఎన్నో పాతరకమైన పిండివంటలు,

ఈ రోజులలో కనుమరుగైనవి అలంటి అరుదైన వంటలు |త్రీ|

నేర్పించారు మాకు వేకువజామున లేవటం,

ఎప్పుడూ బోధించారు సమయాన్ని సమంగా వాడుకోవటం |౪|

మానవుల మధ్య పంచారు ప్రేమానురాగాలు,

ఆమె మాటలు పాటలలో కనిపించాయి ఆనంద తరంగాలు |౫|

మా అమ్మమ్మ మాకు ఇచ్చారు బహుమతిగా మమత,

ఆమె గురుంచి చేయలేము ఎవరితోనూ సమత |౬|