సంభవం

ధైర్యం, సాహసం నీదిరా

ఉడుము పట్టు పట్టారా, నీ ఉనికిని చాటరా

ఆదర్శం మెండుగా, కళ్ళలో నిండేరా

విక్రమార్క ధైర్యము, కల్కి యొక్క రోషము //

 

జ్ఞానమే విజ్ఞ్యామై

భావమే నిండుగా పలుకరా ధీటుగా

గరళానికి గాంభీర్యం

గమ్యానికి గౌరవం //

 

ఉనికిలేని జీవితం

ఉత్తరుని ప్రతాపం

ఉషోదయని కాంతిలో

మెరుగుసాన పట్టారా //

 

సంభవం కానిది లేదురా జగత్తులో

సంస్కారం నిండుగా, జీవనం చేయరా

ప్రపంచమే నీదిరా, పయనించు ప్రకాశంగా

ప్రాణంగా నిలువరా, పరులసేవ చేయరా //

 

ఆడింది ఆటగా, పాడింది పాటగా

జీవితం చూడరా, సంబరం చేయరా //

 

కనీళ్ళని తుడవరా, బాధలను మరవరా

అండగా నిలవరా, ఆదర్శంగా బతకరా

బతుకు జీవితాన్ని, బాగుపరచు నిండుగా

కలకాలం నిలవరా, నూరేళ్ళ పంటగా //