నాగలి.......శ్రీనివాస భారతి
నాగలి.......శ్రీనివాస భారతి
అవి రెండు
అన్నీ చూస్తుంటాయి
కానీ మాటాడలేవు
తృప్తిని మాత్రం అనుభవిస్తూ
ఇది ఒకటే
వాసనంతా దానిదే
కానీ చెప్పలేదు
ఆనందం అవధులు దాటి
పొంగి పొర్లిపోతే
వర్ణించడం ఎవరికి సాధ్యం
బీడు భూమిని సేద్యం చేసే నాగలి
మొలకల్ని ప్రేమగా చూస్తూ
ముత్యాల చెమట బిందువుల్తో
మొత్తం తడిపేసింది
కొండలు రెండిటి మధ్య
కొత్తగా వచ్చిన సూర్యుడు
నవ్వుతూ పలుకరిస్తున్నాడు
అడ్డుకట్ట వేయనందుకు
వర్షం హర్షం కలిగించేలా
భూమిలోపలికి ఇంకుతోంది
ప్రకృతి అందంగా పరవశిస్తోంది...
---------****************---------------