ఏమయిందో...

ప౹౹

ఏమయిందో తెలియదు నాకు వివరం అడగకు

ఏముందో మదిలో కొత్తగా ఆ ఆశలనే తొడగకు ౹2౹

చ౹౹

వీచిన గాలి విరుజల్లే కురిసి విరహాగ్నులే పెంచే 

విచ్చిన పూలే వీరావేశంతో బడబాగ్నులే పంచే ౹2౹

గుచ్చిన చూపులే గురి తప్పలేదూ గుంభనంగా 

నచ్చిన నయనాలే నర్తనము చేసే సంరంభంగా ౹ప౹

చ౹౹

వేడుకా వెనుదిరుగకే ఏమరచి సోయుగాలును 

పాడుకో పరిమళాల వలపు అన్ని యుగాలును ౹2౹

హత్తుకో మత్తునే మరులతో మరల పూయించి

పోత్తులో కొత్తగానే కోరికలతో అమరులై దీవించి ౹ప౹

చ౹౹

మళ్ళిపూసిన మల్లెలతో మరలివచ్చే పున్నమిక 

వెళ్ళిచూసి వేగిరం వాడుకగ తీర్చుకో దాహమిక ౹2౹

ఎదలో సాగనీ ఎలమి ఏరువాకలే ఎడతెరిపిలేక

తుదలేని తుమ్మెదఆరాటం తుళ్ళించనీ వదలక ౹ప౹