చిన్నదాని మనసు
చిన్నదాని మనసు
తళుకు బెళుకులు ఎన్నో
వయసిచ్చిన ఆలోచనలు ఎన్నో
తపనలెన్ని దాగినవో
వగలు ఎన్ని చూపినా
చిన్నదాని మనసు
ఎరుగవేమి నీవు
కంటి కాటుకలో వ్రాసుకున్న నీ పేరు
కాళ్ళ గజ్జెల్లో నీ గుండె చప్పుళ్ళు
తడమాలని నీ మనసు నిధిని
పట్టిన ఆమె నోము
ఏమీ అర్థం కావా
ఓ చిన్నవాడా
చిన్నదాని మనసు గెలుచుకున్నవాడా
నీ నవ్వుతో పండించు ఆమె చేతిలో గోరింటాకు
ఆపైన వచ్చే శ్రావణ మాసానికి
తీసుకురావోయి
ఆమె మెళ్ళో కట్టడానికి తాళి బొట్టు
తాళి బొట్టు తెస్తనని
తాళ్లరేవుకెళ్ళిండు మావా
అని పాడే ఆ చిన్నదాని పాట
వినపడలేదా
చిన్నదాని కళ్ళల్లో
నీపైన ప్రేమ కనబడలేదా..