స్వేచ్ఛ... శ్రీనివాస భా రతి
స్వేచ్ఛ... శ్రీనివాస భా రతి
నాన్నా
ఇంటిదగ్గరే
చదువుకోవాలనుంది
నా ఊహాల్ని
చెప్పే భాష లేక
మౌనంగా
కళ్ళతో చెప్పినా
ఉరుముతున్న నీ కళ్ళు
ఉబుకుతున్న నా కన్నీళ్లను
గుడ్లలోనే కుక్కేసుకున్నాయి
నా కర్ధం ఐయింది
నా బాల్యం నీ చేతుల్లో బందీ అని
స్వేచ్ఛగా ఎగరాలనుకున్నా
రెక్కలు విరిచేశావ్ నువ్వు
అంత కష్ట పడక పోతే మాత్రం
నిన్ను పోషించలేననుకున్నావా?
నా తెలివి, నా చదువు
నాకన్నా నీకే ఎక్కువగా తెలుసా?
వద్దు నాన్నా
నా మీద పెట్టే పెట్టుబడి
నాకూ నీకూ పనికొచ్చేలా మారిస్తే
నేనూ
తమ్ముడూ కలిసే చదువు కొనేవాళ్ళం
కనీసం ఇప్పటికైనా
పోయిన నా స్వేచ్ఛ సాక్షిగా
తమ్ముడినైనా
ఎగరనివ్వు...
---------ooooooOoooooo------------