வாழ்க்கையின் சாரம்

வாழ்க்கைச் சக்கரம்

சுழன்றோடும் வேளையில்

இன்பம் துன்பமென

மாறி மாறி உழன்றே

ஓடிடும் மனித வாழ்வு !

மனிதர்கள் பலவிதம் -

அவர்தம் பார்வைகள் பலவிதம் !

அவற்றுள் -

நன்மையெது தீமையெது

சரியெது பிழையெது என்றே

ஆராய்ந்து அறிந்து தெளியலாம் !

பிறருக்கு பாடம் சொல்ல தலைப்பட்டால்

தொலைவது என்னவோ -

மன நிம்மதியும் அமைதியுமே !

காலம் காயங்களை ஆற்றும் !

வளைந்தோடும் நீரோட்டம் போன்றே

காத்திருப்போம் - காலத்தின் ஒட்டத்தோடே !

காலம் கனியும் நாளில்

அனைத்தும் நலமாகும் !

வாழ்வும் வளமாகும் !