ବେସୁରା ଗୀତି-୭୬୪
ବେସୁରା ଗୀତି-୭୬୪
ବର୍ଷା ଲୋ ତୋର ନିର୍ଦ୍ଦୟ ପଣ ରେ
ଦୁନିଆଁ ହେଉଛି ଘାରି,
ବର୍ଷିବୁନି କହି ଝଡି ଲଗେଇଲୁ
ଆସିଗଲା ନଈ ବଢି ॥
ମୋ ଦୁଃଖ ପସରା ମୁଣ୍ଡରେ ଧରି ମୁଁ
ଦଦରା ନାଆରେ ବସି,
ନଈ ସୁଏ ଆଜି ଭାସି ମୁଁ ଯାଉଛି
କିଏ ବା ଅଛି ମୋ ସାଥି ॥
ବର୍ଷା ତୁ ପରା କହିଥିଲୁ ଦିନେ
ଦେବୁନି ଆଖିରେ ଲୁହ,
ଅବେଳ ରେ କିଆଁ କନ୍ଦେଇ ଦେଲୁ ଲୋ
ସତ କରି ଥରେ କହ ॥
ଜୀବନ ରେ ମୋର ସୁଖର ଫୁଆରା
ଖଞ୍ଜି ଦେବୁ ବୋଲି କହି,
ବଢନ୍ତା ନଈର ସୁଅ ମୁହେଁ ମୋତେ
କାହିଁକି ଦେଲୁ ଭସାଇ ॥
ବରଷି ଯାଉ ତୁ ଝଡି ବଢି ଆଣି,
ସୁଅ ମୁହେଁ ପତ୍ର ହୋଇ
ଭାସି ଯାଉଛି ମୁଁ କେଉଁଠି ବୁଡିବି
କିଏ ବା ପାରିବ କହି ?