ଭାଗ୍ୟ ହାତେ ଦୋଳି

ରଜ ଦୋଳିର ମଜା ନେଇଥାଏ
ବାଈଚଢେଇ ଛୁଆ ।
କାଠି କୁଟାରେ ବସା କରିଥାଏ
କଷ୍ଟରେ ତା ମାଆ ॥

ରଜର ମଜା ପାଇଥାଏ
ଯେବେ ଜୋଇଁପୁଅ ଆସେ ବର ବେଶରେ ।
କନିଆର ଭାଇମାନେ ଝୁଲାଇଥାନ୍ତି
ହାତ ତିଆରି ଫାଶରେ ॥

ପୁଣି ରଜର ମଜା ନେଇଥାନ୍ତି
ହାକିମ ବାବୁଙ୍କ ଘରଣୀ ।
ଆରାମେ ବସି ଝୁଲୁଥାନ୍ତି
ପେଲୁଥାନ୍ତି ତାଙ୍କ ଚାକରାଣୀ ॥

ଆଉ ରଜର ମଜା ପାଇଥାନ୍ତି
ପ୍ରେମୀଯୁଗଳ ପାରକରେ ।
ବଡିରେ ସେପ ଆଣିବା ପାଇଁକି
ଯୁବପିଢ଼ି ଝୁଲନ୍ତି ଜିମ୍ ରେ ॥

ପୁରୁଷ ଲୋକଟି ଦୋଳି ଖେଳୁଥାଏ
ଶିରିମତିଙ୍କ କଥାରେ ।
ବାପା ମା'ଙ୍କ ପଟକୁ ଟିକେ ଢଳିଲେ
ଲଗାମ ଭିଡ଼ିଦିଅନ୍ତି ଜୋରେ ॥

ଗରିବ ଲୋକଟା ଭୁଲିନାହିଁ ରଜକୁ
ପାଇଟିକରେ,
ପଣତେ ଝୁଲାଇ ଛୁଆକୁ ।
ଚଷାଭାଇ ଭାଗ୍ୟ ଦୋଳି ଖେଳୁଥାଏ
ଅନାଇ ଅନାଇ ମଉସୁମୀକୁ ॥