Audio

Forum

Read

Contests

Language


Write

Sign in
Wohoo!,
Dear user,
ଚେନାଏ ସୂର୍ଯ୍ୟାସ୍ତ
ଚେନାଏ ସୂର୍ଯ୍ୟାସ୍ତ
★★★★★

© Bhakta Malla

Inspirational

2 Minutes   6.9K    9


Content Ranking

ଆଉ ମାତ୍ର କିଛି କ୍ଷଣ -

କିଛି କ୍ଷଣ ରହିବ ଜୀବନ

ଅନେକ ଚିହ୍ନା ଚିହ୍ନା - ଏକାନ୍ତ ନିଜର

ପ୍ରିୟ ପରିଜନ, ପ୍ରତୀକ୍ଷାରେ ଅସ୍ତବ୍ଯସ୍ତ

ନିଉଛାଳି ମନ ।

ଆଉ ମାତ୍ର କିଛି କ୍ଷଣ -

ମୋ ଶରୀର ଶବ ହେବ

ନିଃଶବ୍ଦ କୋଳାହଳ ମାନ ଓହ୍ଲାଇ ଆସିବ ,

ଶବ୍ଦ ମାନେ ଚାଲିଯିବେ - ନିଜର ଆଳୟେ

ମିଶିବାକୁ ଓଁକାର ଧ୍ବନିରେ

ନାଦବ୍ରହ୍ମ ର ଅନନ୍ତ ସ୍ବରରେ

ଅଥବା ଆଉ ଏକ ସୁକ୍ଷ୍ମ ସଂଭାବନାର

ସୃଜନୀ ଛନ୍ଦରେ ।

ମୋର ନିଃଶ୍ଚୁପ୍ ଜଡ ହାତର ମଣିବଂଧରେ

କାହାର ସଶକ୍ତ ଅଙ୍ଗୁଳି ଚାପ !

ମାପିବାକୁ ଗତିଶୀଳ ବାୟୁର ସ୍ପନ୍ଦନ

ପୁନଃଶ୍ଚ ନାସା ରନ୍ଧ୍ରରେ କିଛି ଅଦେଖା ସ୍ପର୍ଶ !!

ଆଉ ମାତ୍ର କିଛି କ୍ଷଣ,

କିଛି କ୍ଷଣ ମାତ୍ର କୋଳାହଳ

ତାପରେ ସ୍ତବ୍ଧ ହେବ

ଚଳ ଚଞ୍ଚଳ ସୁନ୍ଦର ସକାଳ ।

ସେମାନେ କୁହାକୋହି ହେଲେ

ଚାଲିଗଲା - ଚାଲିଗଲା - ଏ ଜନ୍ତୁ ଜୀବନ

ଶବ୍ଦହୀନ ଯଂତ୍ରଣାରୁ ମୁକ୍ତି ପାଇଗଲା

ଗୋଟେ ଅମୂଲ୍ୟ ଜୀବନ ।

ଅପେକ୍ଷାର ଧୈର୍ଯ୍ୟ ବଂଧ ଭାଙ୍ଗି ସାରିଥିଲା

କେହି ଜଣେ କହିଲାଣି -

ଫୁଲମାଳ ଗୁନ୍ଥିବାକୁ,

ଆଉ କେହି - ଛଅ ଖଣ୍ଡ କାଠ ଯୋଗାଡି ଦେବାକୁ ।

ଦାଣ୍ଡରେ ଶୁଭିଲା - ହରିବୋଲ , ହରିବୋଲ

ରାମ ନାମ ସତ୍ୟ ହୈ,

ମୋ ଶବ ଉପରେ ଭର୍ତ୍ତିହେଲେ

କୁଢ କୁଢ ଫୁଲମାଳ ମାନ

ଧୂପ ଆଉ ଅଗରୁର ଭୁରୁ ଭୁରୁ ଗଂଧ

ବୋହିଲା ପବନ ।

ଆଘ୍ରାଣର ଶକ୍ତି କାହିଁ ମୋର ?

ଏତେ ଏତେ ବିପୁଳ ସମ୍ମାନ ଓ ସମ୍ବର୍ଦ୍ଧନା

ମୋ ଶବ ଉପରେ ସବାର୍ ।

ମୁଁ ନିଃସ୍ପୃହ - ମୁଁ ନିର୍ବିକାର

ଖୁସି ହେଲି ମୋର ଆତ୍ମାରେ ।

ଦେହ ଯା ' ଦେଖି ନ' ଥିଲା, ଜୀବଦ୍ଦଶାରେ

ମୁଁ ଆତ୍ମା ହୋଇ ଦେଖୁ ଥିଲି -

ଏତେ ସ୍ନେହ - ଏତେ ଶ୍ରଦ୍ଧା -

ମୁଁ ମରି ଗଲା ପରେ ।


ଶ୍ରଦ୍ଧା ର ସହ

ଭକ୍ତ ଚରଣ ମଲ୍ଲ ।

31 ଜୁଲାଇ 2017


ପରିଜନ ମୁକ୍ତି ଶବ

Rate the content


Originality
Flow
Language
Cover design

Comments

Post


Some text some message..