ମନ ଦେଲେ ଥରେ
ମନ ଦେଲେ ଥରେ
1 min
13.5K
ପାରିବ ତ ଥରେ ସଖୀ
ଜହ୍ନକୁ ପଚାର
କେତେ ମୁଁ ସନ୍ତପି ଅଛି
ପ୍ରେମରେ ତୁମର ।
ଜହ୍ନ ଥିଲେ ତାରା ଥିଲେ
ସେ ନିସୁନ ରାତିରେ
ଲୁଚା ଚୋରା ପ୍ରେମ ଥିଲା
କୁମୁଦ ସାଥିରେ ।
ତୁମେ ନାହଁ ଏକାଥିଲି
ସ୍ମୃତି ଥିଲା ଯାହା
ଉତ୍ତପ୍ତ ନିଶ୍ଵାସ ଦ୍ରବି
ଝୁଣୁଥିଲା ହିଆ ।
ଅଲକ୍ଷରେ ହେଲା ଯେବେ
ଆଖିପତା ଓଦା
ମନେ ହେଲା ତୁମେ ଆସି
ଦେଲ କିବା ବାଧା ?
ଲୁହ ପୋଛି ଚାହିଁଲି ମୁଁ
କେହି ତ ନଥିଲେ
ମୁଁ ଥିଲି ସ୍ମୃତି ଥିଲେ
ଜହ୍ନ ତାରା ଥିଲେ ।
ଭାବିଲି ଗୋ ସଖୀ ଆଉ
ମନ ଦେବି ନାହିଁ
ଏକା ଏକା ବସି ଆଉ
ଝୁରି ହେବି ନାହିଁ ।
ହସୁଥିଲେ ଜହ୍ନ ତାରା
ହସୁଥିଲା କଇଁ
କହୁଥିଲେ ମନ ଦେଲେ
ଆଉଫେରେ ନାହିଁ ।