ସୁରା ଓ ସୁଧା

ରୋମାଣ୍ଟିକ କବି ମାୟାଧର ମାନସିଂହ

ପ୍ରଥମ ପ୍ରଣୟ ପ୍ରିୟେ ମୋ ଜୀବନ-ପାତ୍ରେ

କାର୍ଯ୍ୟ କଲା ମଦ୍ୟସମ,ମୋ ନିଖିଳ-ଗାତ୍ରେ

ସାଜିଲା ଅନନ୍ତ କ୍ଷୁଧା,ଅନନ୍ତ ପିପାସା,

ବିମୁଗ୍ଧ କଲା ମୋ ପ୍ରାଣ,ବିହ୍ଵଳ ମୋ ଆଶା,

ଜୀବନ ବିଦ୍ରୋହମୟ ।ଫିଙ୍ଗିଲି ଶୃଙ୍ଖଳ

ଫିଙ୍ଗିଲି ଗୌରବ-ମାନ; ସଂସାର-ମଙ୍ଗଳ

ସେହି କାଦମ୍ବରୀ ପାନେ; କସ୍ତୁରିକା ସମ

ଧାଇଁଲି ମୁଁ ଭ୍ରାନ୍ତ ପରି ।ସେ ମୋର ପରମ

ହୋଇଅଛି ଶେଷ ଆଜି ।ଆଜି ହେ ସୁନ୍ଦର

ପବିତ୍ର ଜାହ୍ନବୀ, ସ୍ରୋତେ ଦାଣ୍ଡ ମୋର ଭରି

ଆସିଛି ମନ୍ଦିରେ ମମ ।ସେହି ସୁଧା ପାନେ

ଶାନ୍ତ ମୋ ନିଖିଳ-କ୍ଷୁଧା; ମୋହ-ଅବସାନେ

ଘଟିଛି ମୋ ଜନ୍ମାନ୍ତର ।ସୁରପାନ ପରେ

ପ୍ରେମ ତବ ସୁଧା ସମ ପ୍ରାଣେ କାର୍ଯ୍ୟ କରେ ।

ସମାପ୍ତ