ଭାରତ ବିଭବ
ଭାରତ ବିଭବ
ବିବିଧତା ମଧ୍ୟେ ଏକତା ବିରାଜେ
ଭାରତ ଦେଶ ବିଭବ
କେତେ ଜାତି ନାମ ଧରମ କରମ
ସଭିଙ୍କ ଗୋଟିଏ ଭାବ।
ରବୀଂଦ୍ର ସଂଗୀତ ବଂକିମ ସାହିତ୍ୟ
ବଂଗଳାର ବଇଭବ
ଉତ୍କଳେ ବିଖ୍ୟାତ ଛଉ ଓଡିଶୀତ
ସମ୍ବଲପୁରର ବାଂଧ ।
ପୂରୀ କୋଣାରକ ଚାରୁ କଳା ଟେକ
ଜ୍ୟୋତିର୍ଲିଂଗ ଲିଂଗରାଜ
ଜଗତର ନାଥ ସ୍ୱୟଂ ଜଗନ୍ନାଥ
ବିଜେ କି କଥାକୁ ହେଜ ।
ଶ୍ରମ ଅକାତର ତୈଲଂଗ ମଣ୍ଡଳ
ଶୀରି ଯା ବଂଗ ସାଗର
ଭାରତ ନାଟ୍ୟମ୍ କଥାକଳି କାମ
କୁଚିପୁଡି ଦକ୍ଷିଣର ।
କର୍ଣାଟକ ବୀର ଟିପୁ ସୁଲତାନ୍
ମରାଠା ସୁର ଶୀବାଜୀ
ଗୁଜରାଟ ସ୍ମର ପଟେଲ୍ ସର୍ଦାର
ମହାତ୍ମା ଯହିଁ ବିରାଜି ।
ଖଜୁରାହୋ ମଧ୍ୟ ଉତ୍ତରରେ ତାଜ-
ମହଲ ଯା ସରତାଜ
ନାଳନ୍ଦା ମଗଧ ସାଂଚିର ସଉଧ
ଧର୍ମାଶୋକର ରାଇଜ ।
କୁତୁବ ମିନାର୍ ଲାଲକିଲ୍ଲା ସାର
ଦିଲ୍ଲୀ ଦିଲ୍ ବାଲାର
ପଂଜାବ କେଶରୀ ହରିୟାଣା ଶିରୀ
କ୍ଷେତ ସବୁଜ ସୁନ୍ଦର ।
ପୂର୍ବୋତ୍ତର ସୋନି ସପତ ଭଗିନୀ
ହିମଗିରି ଯହିଁ ରାଜେ
ଭୂସ୍ୱର୍ଗ କାଶ୍ମିର ଡାଲ୍ ଉଲାର
ମୁକୁଟ ସମ ବିରାଜେ ।
ପଂଚଶୀଳ ନୀତି ଅହିଂସା ବିଭୁତି
ଶୂନ୍ୟ କୁ ଦେଇ ଜନମ
ବୀଜଗଣିତର ବୀଜକୁ ସୁମର
କପାଳ ନହେବ ବାମ ।
କମନ ୱେଲଥ ବ୍ରିଟ୍ ସାର୍କ ପଂଥ
ସବୁଠି ଗରିମା ଯା'ର
ନାସା ବୈଗ୍ୟାନିକ ଏକକୁ ଆରେକ
କି ଗୁଣ ବର୍ଣିବା ତା'ର ।
ବିଶ୍ୱ ଶକ୍ତି ଉଭା ଦେଖି ଚୀନ୍ କିବା
ପଡୋଶୀର ହାତ ଧରେ
ଭିଟୋ ପାଇଯିବ ପରାଭବ ଦେବ
ନିଦ ହଜିଯାଏ ଡରେ ।
ଦେବ ଭୂମି ଧୁଳି ମାଥେ ହେବା ବୋଳି
ଉଚ୍ଚ ହିମଗିରି ପରି
ଉତିଷ୍ଠ ଜାଗ୍ରତ ସ୍ୱାମୀଜୀଙ୍କ ଗୀତ
ଗାଅ ଉନ୍ମାଦନା ଭରି ।