ଦୁନିଆ ବଦଳୁ ଅଛି

ବାପା ମାଆ ଛାଡି ଶଶୁର ଶାଶୁରେ

          ପୁଅ ବେଶି ଧ୍ୟାନ ଦେଉଛି

ବାପା ମାଆ ନିଜ ଲୁହକୁ ଆଖିରେ

           ସୁଖେଇ ସୁଖେଇ ବଞ୍ଚୁଛି ।

   କାରଣ ଆମ ଦୁନିଆ ବଦଳି ଯାଇଛି ।

ଶାଶୁ ଶଶୁରର ସେବା ନ କରିଣ 

              ବହୁ ହୁକୁମତ କରୁଛି

ଘଡିଘଡି ଟିଭି ଖୋଲି ଦେଇ ବୋହୁ 

             ଶିରୀୟଲରେ ମାତୁଛି ।

    କାରଣ ଆମ ଦୁନିଆ ବଦଳି ଯାଇଛି ।

ଭାଇ ଭାଇ ସ୍ନେହ ଭକ୍ତିର ସମ୍ପର୍କ

            ଭାଙ୍ଗି ଚୁରମାର ହେଉଛି

ଭାଇଠାରୁ ସଡୁ ବେଶି ବଡ ଆଜି

              ସଡୁ ସଡୁ ସ୍ନେହ ବଢୁଛି ।

     କାରଣ ଆମ ଦୁନିଆ ବଦଳି ଯାଇଛି ।

ଭଉଣୀର ରାକ୍ଷୀ ବଡ ନୁହଁ ଆଜି

             ଶାଳୀର ଆଦର ବଢୁଛି

ଶାଳୀ ଜାହାକୁହେ ଭିଣୋଇ ଦଉଛି

              ଭଉଣୀ ଲୁଚେଇ କନ୍ଧୁଛି ।

      କାରଣ ଆମ ଦୁନିଆ ବଦଳି ଯାଇଛି ।

ଶାଶୁ କହିବାକୁ ଡରୁଛି ବୋହୂକୁ 

              ନିଜକାମ ନିଜେ କରୁଛି

ଶଶୁରଙ୍କୁ ବୁଢା ଶାଶୁଙ୍କୁ ବୁଢ଼ୀ 

            ବୋହୁ ସଦା ଡାକ ଛାଡ଼ୁଛି

      କାରଣ ଆମ ଦୁନିଆ ବଦଳି ଯାଇଛି ।

ଗୋବର ପାଣିକୁ ଡରୁଅଛି ବୋହୁ

              ନାକକୁ ହାତେ ଟେକୁଛି

ୟେ କାମ କରିଦେ ସେ କାମ କରିଦେ

              ବୋହୁ ହୁକୁମତ ଛାଡ଼ୁଛି ।

     କାରଣ ଆମ ଦୁନିଆ ବଦଳି ଯାଇଛି ।

ଗୁରୁ ଶିଷ୍ୟର ସମ୍ପର୍କ ଆଜି

             ଫେସବୁକରେ ହୋଇଛି

ବିଦ୍ୟାଳୟ ଆଜି ମରୀଚିକା ପରି

            ଦଣ୍ଡମୁକ୍ତ ଅଂଚଳ ହୋଇଛି ।

      କାରଣ ଆମ ଦୁନିଆ ବଦଳି ଯାଇଛି ।

ମୋ କବିତା ଭାଇ ପସନ୍ଦ ହେଉନି

              ଜ୍ୱଳନ୍ତ ଚିତ୍ର ମୁଁ ଲେଖୁଛି

କବି ନୁହଁ ସତ୍ୟ ଲେଖୁଛି କବିତା

            ବୁଝିବା ଲୋକ ଯେ ବୁଝୁଛି ।

      କାରଣ ଆମ ଦୁନିଆ ବଦଳି ଯାଇଛି ।