Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

ଓଡ଼ିଆ ଗଳ୍ପ ଓ କବିତା - ୩

Others

3  

ଓଡ଼ିଆ ଗଳ୍ପ ଓ କବିତା - ୩

Others

ମେଘ

ମେଘ

1 min
6.7K


ଶ୍ରୀ ସୁକାନ୍ତ କୁମାର ସେଠୀ


ଆକାଶ ବୁକୁରେ ବଉଦକୁ ଯେବେ

ଶୀତଳ ପବନ ଛୁଏଁ

ଝିପି ଝିପି ଆମ୍ବୁ ନୟନରୁ ତା’ର

ହରଷରେ ଝରିଯାଏ l

ବରଷାର ଝର ଧରଣୀ ଦେହରୁ

ନିଦାଘ ପୀଡାକୁ ଦୂରେ

ସାରୁ ଗଛ ମୂଳେ ବେଙ୍ଗୁଲୀ ନାନୀ ତ

ତର ତର ଘର ଗଢେ l

ସୁନ୍ଦରୀ ଧରଣୀ ମେଘର ପରଶେ

ଶାଗୁଆ ବସନ ପିନ୍ଧେ

ଘାସ ଗାଲିଚା ଓ ଲତା ଧାରେ ଧାରେ

ମାଳ ପରି ଫୁଲ ବାନ୍ଧେ l

ଧୁଆ ଆକାଶରେ ଇନ୍ଦ୍ରଧନୁ ଭାସି

କେତେ ରମଣୀୟ ଦିଶେ

ଦୂର ତାଳବଣେ ଗର୍ଭିଣୀ ବଊଦ

ଘରଟିଏ ଗଢି ବସେ l

ଗାଁ ଓଠ ଦେଇ ବରଷାର ପୟଃ

ଢେଉ ହୋଇ ଝରୁଥାଏ

ଶୈଶବ ମନରେ କାଗଜ ତରୀଟି

ସ୍ମୃତି ହୋଇ ଭାସିଯାଏ l

ଚାଷୀଭାଇ ପରା ଅଧୀର ହୋଇ କି

ବରଷାର ଗୀତ ଗାଏ

ବରଷା କି କ୍ଷଣେ ଚାଷୀଭାଇ ଗୀତ

ଶୁଣିବାକୁ ମନ ଦିଏ l

କଡମ୍ବ ଶାଖାରେ ପେନ୍ଥି ପେନ୍ଥି ଫୁଲ

ହସେ ଆକାଶକୁ ଚାହିଁ

ଓଦା ସମୀରରେ ବରଷାର ଧାରା

ଝରିଯାଏ ସ୍ଵପ୍ନ ହୋଇ l


Rate this content
Log in