Audio

Forum

Read

Contests

Language


Write

Sign in
Wohoo!,
Dear user,
ସ୍ୱର୍ଗଦ୍ୱାର
ସ୍ୱର୍ଗଦ୍ୱାର
★★★★★

© Prasanta Bhunya

Inspirational

1 Minutes   13.7K    7


Content Ranking

 ସବୁ ଶବ୍ଦ ଶ୍ମଶାନରେ ଫୁଲ ଏବେ

ସବୁ ଭାବ ଧୂପ ସେଇ କବି ସମାଧିରେ

ପୁଳାପୁଳା ସ୍ମୃତିକୁ ସମାଧିସ୍ଥ କରିଥିଲି

ଅନ୍ୟ ସବୁ ଉଦାସୀପଣ ସହ କେବେ ନିଶୀଥରେ

ସ୍ମୃତି ଆଉ ମୋ ଉଦାସ ସଭିଏଁ

ଖୁସୀରେ ଅଛନ୍ତି ଏବେ

ଦୁଃଖରୁ ସୁଖ ନିର୍ବ୍ବଚନ ଅନ୍ତେ

ତାକୁ ନେଇ ସାହିତ୍ୟ ପାଠ କରୁଛନ୍ତି

ସ୍ମୃତିକୁ ଡାକିଲି ଦିନେ ଯେବେ

ଅକାର୍ପଣ୍ୟେ କହିଲା ସନ୍ଧ୍ୟାରେ

ଆଉ ଟିକେ ପରେ ଆସ କବି

ଆମ ଆସର ଏବେ ସରଗରମରେ

ଶବ୍ଦକୁ ହକାରିଲି ତେଣୁ ରୋଷଦାହେ

ରୁହ କବି ଦେହ ଓ ଦାହରେ

ମୋତେ ମୁଖାଗ୍ନି ନଦିଅ; କହେ ଶବ୍ଦ

ସ୍ଥିର ଆଉ ନିର୍ବିକାର ହୁଅ ବାରେ

ବୈମନସ୍ୟେ ଲେଉଟାଣିରେ ଦେଖିଲି

କବି ନର୍କେ ପଡ଼ିଅଛି ସେ’ତ

ଜଗତ ଉଦ୍ଧାର ପାଇଁ

ଯିଏ ସହି ନଥିଲା ପ୍ରାଣୀଙ୍କ ଆରତ||

-ପ୍ରଭୂ

ଜ୍ଞାତାର୍ଥ -

ନିର୍ବ୍ବଚନ – ସ୍ଥିରୀକରଣ , ନିର୍ଦ୍ଦାରଣ , ଅନେକଙ୍କ ମଧ୍ଯରୁ ବାଛି ବାହାର କରିବା

ହକାରିଲି – ଆହ୍ବାନ କରିବା, ଡ଼କାଇବା

ରୋଷଦାହେ – କ୍ରୋଧ ୟୋଗୁଁ ମନରେ ଜାତ ହେବା ସନ୍ତାପ

ବୈମନସ୍ୟେ - ଉଦ୍ବେଗ; ଉତ୍କଣ୍ଠା, ମନୋବେଦନା

ସ୍ୱର୍ଗଦ୍ୱାର ଶବ୍ଦ ସ୍ମୃତି

Rate the content


Originality
Flow
Language
Cover design

Comments

Post


Some text some message..