ଜୀବନ ଗୀତା- ୬୩
ଜୀବନ ଗୀତା- ୬୩
1 min
13.3K
ଜୀବନ ଗୀତା- ୬୩
ଏ ଜୀବନ କେବେ ମୁଠାଏ ମମତା
କେବେ ପାପୁଲିଏ ପ୍ରେମ
କେବେପୁଣି ସିଏ ଘୃଣାରେ ଘାଇଲା
ମନରେ ଘୋର ଅପ୍ରେମ ॥୦॥
କେବେ ଜହ୍ନରାତି କେବେ ଖରାତାତି
ଜୀବନର ଏ ତ ବିପରୀତ ରୀତି
ଫୁଲର ଦୋଳାରେ ଦୋଳାଏ ସେ ଧୀରେ
ବୁହାଇ ମଳୟବାଆ ନିତିନିତି
କେବେପୁଣି ସିଏ ପାରିଦେଇ ଯାଏ
କଣ୍ଟାଶେଯ କୋଟିକମ ॥୧॥
କେବେ ପାଟ ଛତି କେବେ ଖରା ତାତି
ଜୀବନର ଏ ତ ବିପରୀତ ନୀତି
ବିଶ୍ୱାସରେ ହାତ ଧରି ଚାଲୁଚାଲୁ
ଗାଉଥାଏ ସାତସୂରରେ ସେ ଗୀତି
କେବେପୁଣି ସିଏ ହାତ ଛାଡିଦେଇ
ବିଧିକୁ କରାଏ ବାମ ॥୨॥