Audio

Forum

Read

Contests

Language


Write

Sign in
Wohoo!,
Dear user,
ମହାର୍ଘ୍ୟ ମିଳନ
ମହାର୍ଘ୍ୟ ମିଳନ
★★★★★

© Sanghamitra Samantaray

Inspirational Abstract

1 Minutes   6.8K    4


Content Ranking

ଆରେ ତୁମେ କାହିଁକି 

ବ୍ୟତିବ୍ୟସ୍ତ ଆଉ ଅଣାୟତ୍ତ 

ଏଇ ସାମାନ୍ୟ ଘଟଣାରେ

ଜାଣିନ କି...

ଉପନୀତ ହୋଇଛି ଏବେ ପରା

ସେହି ମହାର୍ଘ୍ୟ ମୁହୂର୍ତ୍ତ

ଦେଖୁନ

କେମିତି ମହମହ ବାସୁଚି 

ସେଇ ନିଭୃତ ଆଉ ପରିତ୍ୟକ୍ତ କୋଠରୀଟି

ଯେଉଁଠି ରାତି ରାତି ତୁମେ 

ଉଜାଗର ରୁହ....

ଚୂଆ ଚନ୍ଦନ କର୍ପୂର ଆଳତୀ

ଧୂପ ଦୀପର ଗନ୍ଧରେ....

ତୁମେ ଡରୁଛ କି ନିଃଶବ୍ଦ ରଜନୀରେ 

ଶୁଭୁଥିବା ପାଉଁଜିର ଛମ୍ ଛମ୍ ଶବ୍ଦରେ

ସର୍ବୋପରି ଅବାଧରେ ପ୍ରବେଶି ଆସୁଥିବା

ସର୍ପାଦିଙ୍କର ଦଂଶନ ଆଶଙ୍କାରେ

ନା ନା ଡରିବାର କ'ଣ ଅଛି କି ଏଥିରେ 

ତୁମେ ଆଖି ବନ୍ଦକରି ବସି ଯାଅ

ଧ୍ୟାନର ମୂଦ୍ରାରେ..ନିଶ୍ଵାସକୁ 

ଧରି ନିଅ ତୁମ ହାତ ମୁଠାରେ

ହୋଇ ଯାଅ ସ୍ଥିର ଓ ନିର୍ବିକାର 

ଶିବା ଆଉ ଶିବଙ୍କର ହୋଇ ପାରେ 

ହୁଏତ ଅପୂର୍ବ ମିଳନ 

ସେଥି ପାଇଁ ଏ ସବୁର ଏତେ ଆୟୋଜନ

ପ୍ରସ୍ତୁତ କରି ନିଅ ନିଜକୁ

ଏଇ ଘଡିସନ୍ଧି ମୁହୂର୍ତ୍ତରେ

ଯନ୍ତ୍ରଣାକୁ ଉଦରସ୍ଥ କରି

ବୋଲାଇବ ପରା ତୁମେ

ଈଶ୍ଵରଙ୍କ ପ୍ରତିରୂପ ବା 

ଇଶ୍ଵର ସମାନ...।

।। ସଂଘମିତ୍ରା ।।

ଶିବା ଶିବ ଅପୂର୍ବ ମିଳନ

Rate the content


Originality
Flow
Language
Cover design

Comments

Post


Some text some message..