ମାଆ ଦଶଭୁଜା
ମାଆ ଦଶଭୁଜା
ଶାରଦୀ ଶରତେ ମାଆ ମୋର ହସେ
ପାର୍ବଣ ସମ୍ଭାରେ ମଜି ;
ପୂଜାମଣ୍ଡପରେ ଅର୍ଘ୍ୟବତୀ ଜଳେ
ଭକ୍ତ ଜନ ଆସେ ଖୋଜି !!
ରମ୍ୟ ରୂପକାନ୍ତି ମାଆର ସୁଖ୍ୟାତି
ଅଳଙ୍କାରେ ସୁଶୋଭିତ ;
ସଜ୍ଜିତ ତୋରଣ କିଣେ ଜନ ମନ
ଦର୍ଶନରେ ଜନ ସ୍ରୋତ !!
ଘଣ୍ଟ ହୁଳହୁଳି ପଡଇ ଉଚ୍ଛୁଳି
ଭକତିର ନିଦର୍ଶନ ;
ପୂଜା ମଣ୍ଡପରେ ଶଙ୍ଖ ଧ୍ୱନି ଶୁଭେ
ଶୁଭସନ୍ଧ୍ୟା ଆବାହନ !!
ମୁଖରୁ ନିସୃତ ବ୍ରାହ୍ମଣର ମନ୍ତ୍ର
ପବିତ୍ରତା ଭରି ଦିଏ ;
ମାଆ ଦଶଭୁଜା ପାଆନ୍ତିତ ପୂଜା
ମନପ୍ରାଣ ମୋହି ନିଏ !!
ନବାନ୍ନ ଗ୍ରହଣ ହରେ ଜନ ମନ
ଲକ୍ଷ୍ମୀରୂପେ ବିରାଜିତ ;
କରୁଣା ମୟୀର ଅକୁଣ୍ଠିତ ଦାନ
ହସଇ କୃଷକ କ୍ଷେତ !!
ମଙ୍ଗଳ ଆଳତୀ ଭକତି ପୀରତି
ମାଆର ସମୃଦ୍ଧି ମିତ ;
ମୃଦଙ୍ଗ କାହାଳୀ ବାଜେତ ମହୁରୀ
ପାଦ ପୂଜା ହୁଏ ନିତ୍ୟ !!
ପୁଷ୍ପେ ବିମଣ୍ଡିତ ମାଆର ମଣ୍ଡପ
ଆହାକି ଅପୂର୍ବ ଶୋଭା ;
ମାଆ ଦଶଭୁଜା ଯତନରେ ସଜା
ପଦ୍ମଜା ବୀଭଜା ରମ୍ଭା !!
ହେ'ମାଆ ଦୁର୍ଗା ହସିବ ସର୍ବଦା
ଭକତିରେ ଶାନ୍ତି ହୋଇ ;
ଜଗତର ସୁଖ ତଵ ହସ୍ତେ ନ୍ୟସ୍ତ
ପଣତ ଦେବ ଘୋଡ଼େଇ !!
ପ୍ରଣତୀ ବୀନତି କରୁଛି ମା'ଆଜି
ରଖିବ ଘଣ୍ଟ ଘୋଡ଼େଇ ;
ସଂସାରୀ ମଣିଷ ତୁମରି ଭକତ
ସର୍ବ ପାପ ଦିଅ ଧୋଇ !!
ସଦାନନ୍ଦ ସାହୁ ;
ଧୁରୁଷିଆ ; ଆଠଗଡ଼ ; କଟକ
97761 84548