ବିପ୍ଳବୀ ବୀର ସୁଭାଷ ବୋଷ
ବିପ୍ଳବୀ ବୀର ସୁଭାଷ ବୋଷ
ରମେଶ କୁମାର ସାହୁ
ଉକିଳ ଝୁରୁଛି ଭାରତ ଝୁରୁଛି
ଝୁରୁଛି ଏହି ପାଣି ପବନ
ତୁମ୍ଭ ଜନ୍ମଦିନେ ଝୁରୁଛୁ ସଭିଏଁ
ସୁଭାଷ ବୋଷ ତୁମ୍ଭେ ମହାନ ।
ଇଂରେଜ ସୈନ୍ୟଙ୍କୁ ଖାତିରି ନକରି
ଦେଶପାଇଁ ଲଢେଇ କଲ,
କଣ୍ଟାକୁ କଣ୍ଟାରେ କାଢିବା ପାଇଁକି
ଜୀବନରେ ବ୍ରତ କରିଲ ।
ପ୍ରାଚ୍ୟ ଜଗତର ସାତୋଟି ଦେଶ
ସାହାଯ୍ୟ କରିଲେ ତୁମ୍ଭକୁ ଚାହିଁ,
ଆଜାଦ୍ ହିନ୍ଦ ଫଉଜ୍ ଗଢିଲ
ଭାରତ ମାତାର ସୁରକ୍ଷା ପାଇଁ ।
ଦେଇଥିଲ ଦିନେ ମୁକ୍ତି ଡାକରା
ଦିଲ୍ଲୀ ଚଲୋ ସଭିଏଁ ଭାଇ,
ଦେଶ ମାତୃକାର ସେବା କରିବା
ସମସ୍ତେ ଆମ୍ଭେ ଏକ ହୋଇ ।
ବନ୍ଦେ ମାତରଂ ଦେଶ ମନ୍ତ୍ରରେ ଗର୍ଜି
ଉଠିଥିଲା ଏଦେଶ ମାଟି, ଥରି ଉଠୁଥିଲେ
ଗୋରା ସରକାର ।
ବନ୍ଦ କରିଦେଲ ତାଙ୍କରି ପାଟି,
ବିମାନ ଦୁର୍ଘଟଣାରେ ସହିଦ ହୋଇଲ
ଦେଶ ଝୁରୁଛି ତୁମରି ପାଇଁ
ଆଉ ଥରେ ଆସ ଏ ଧରା ପୃଷ୍ଠକୁ
ଚାହିଁ ରହିଅଛି ଭାରତ ଭୂଇଁ ।