ମୀନକେତନ

ତୁମ ଆଭା ଦେଖି ଲାଗେ ତୁମେ ସୂର୍ଯ୍ୟକାନ୍ତି,

ତୁମ ଶୋଭା ଦେଖି ଲାଗେ ତୁମେ ଚନ୍ଦ୍ରକାନ୍ତି,

ତୁମ ପ୍ରଭା ଦେଖି ଲାଗେ ତୁମେ ଦୀପକାନ୍ତି,

ତୁମେ ଭରିଦିଅ ମୋ ଜୀବନରେ ଦିବ୍ୟକାନ୍ତି |୧|

ତୁମ ମୃଦୁହାସ ଲାଗେ କୋଇଲି କୂଜନ,

ତୁମ ମିଠା କଥା ଲାଗେ ବୀଣା ବାଦନ,

ତୁମ ମତ୍ତ ଚାଲି ଲାଗେ ମୟୂରୀ ନର୍ତ୍ତନ,

ତୁମେ ଆଣିଦିଅ ମୋ ପାଇଁ ନବଜୀବନ |୨|

ତୁମ ଲୋଚନ ଲାଗେ ମୀନାକ୍ଷୀ ନୟନ,

ତୁମ କେଶପାଶ ସାଜ ଲାଗେ ନବଘନ,

ତୁମ ମଥା ର ତିଳକ ଲାଗେ ହରିଚନ୍ଦନ,

ତୁମେ କରିଦିଅ ମୋ ଜୀବନକୁ ପାବନ |୩|

ମୁଗ୍ଧ କରିଲା ମୋତେ ତୁମ ଚାଲିଚଳନ,

ସ୍ନିଗ୍ଧ ସମ୍ମୋହନ ଦେଲେଣି ମୀନକେତନ,

ଶୀଘ୍ର ମିଳୁ ମୋ ପ୍ରେମ କୁଜୟ କେତନ,

ଆଶିଷ ପାଇଁ ଯିବା ଶ୍ରୀଜୀଉଙ୍କ ଆୟତନ |୪|