ମେଘ ଝରଝର

 

                                    ମେଘ ଝରଝର

 

                                              ଆଭାକାନ୍ତ ମହାନ୍ତି

 

                        ମେଘ ଝରଝର ପାହାନ୍ତି ନିଶା ଏ

                        ମୂଲ୍ୟହୀନ ହୁଏ ସହୀ

                        ମନ ମାଦକତା ମଉଳି ପଡୁଛି

                        ସାଥୀ ହରା ସିନା ହୋଇ । ୦ ।

 

                         ମେଘ ଭିଜା ଏଇ ପୂବେଇ ବାଆ

                         ମୋ ଉପରେ ଟିକେ କରୁନି ଦୟା

                         ଯେତେ ବି ଭାବିଲେ କାହିଁକି କେଜାଣି

                         ଘୋରେ ଘାରେ ଖାଲି ତୁମରି ମାୟା

                         ବିରହୀ ଚକୋର ଚକୋରୀ ବିହୁନେ

                         ଏ ରାତିରେ ବାହୁନଇ । ୧ ।

 

                         ଯଉବନ ଜଳେ ବିରହ ବିଷେ

                         କିବା ଲାଭ କୁହ ଏ ପର ବାସେ

                         ଦୁଃଖ ଅବସାଦେ ଥକିଗଲେ କେବେ

                         ଆହା କହିବାକୁ ନାହିଁ କେ' ପାଶେ

                         ଏକା ଚାଲି ଥକି ପଡ଼ି ଲେଖୁଅଛି

                         ଲୁହ ସଙ୍ଗେ ଲହୁ ଦେଇ । ୨ ।

 

                                                  ନୂଆସାହି, ବିଡ଼ାନାସୀ

                                                            କଟକ-୭୫୩୦୧୪

                                                    ଫୋନ୍-୯୦୪୦୦୦୩୧୦୧