ବାପା
ବାପା
ବାପା
ପ୍ରମୋଦ ପ୍ରଧାନ
ବାପା ତୁମେ ଅନନ୍ତର ଚୌପାଢ଼ି
ଦିଗନ୍ତର ନୀଳ ନୀଳ ସ୍ୱପ୍ନଧାଡ଼ି
ଘଡ଼ିଘଡ଼ି ପ୍ରାଣବନ୍ତ କରେ ତୁମ ଆଶାବାଡ଼ି
ହୃଦୟର କୋଣେକୋଣେ ଭିତ୍ତିପ୍ରସ୍ତର
ତୁମେ ସବୁ ପ୍ରଶ୍ନର ଉତ୍ତର ।
ଆଖିରୁ ଝରେ ଯେବେ
ବୁନ୍ଦା ବୁନ୍ଦା କାକର
ଯେବେ ଧୂମାଳରେ ହଲିଯାଏ
ଜିଇଁବାର ଚାରିଖମ୍ବ
ବିଚ୍ଛୁରିତ ହୁଏ ସଦା ଆଲୋକର ପ୍ରତିବିମ୍ବ
ଉଦ୍ଭାସିତ ହୁଏ ଆଚାର ବିଚାର
ତୁମେ ଚେତନାର ଅକ୍ଷର ।
ଯେତେ ଅଛି ଛାତିରେ ଦମ୍ଭପଣ
ସବୁ ତ ତୁମ କରୁଣା କିରଣ
ତୁମେ ବୁଦ୍ଧି ବିବେକ ତୂଣୀରେ କର୍ଣ୍ଣଧାର
ଚଲାପଥେ ଅହଂକାର ।
ଆୟୁଷ ଅନ୍ତରାଳେ
ତୁମେ ନିଃଶ୍ୱାସର ଅମୃତ ପ୍ରହରୀ
ଇହକାଳେ ପରକାଳେ ତୁମେ ତ ଲହରୀ
ମଥାରେ ସଦା ଆଶିଷ ଝରୁଥାଉ ବାପା
ତୁମ ପାଦେ ଏତିକି ଗୁହାରି ।
ଫ୍ରେଣ୍ଡସ୍ କଲୋନୀ, କଟକ
ଫୋନ : ୯୪୩୭୧୮୨୭୮୫
*****