ପୋଷ ପୋଷ ପଉଷର
ପୋଷ ପୋଷ ପଉଷର
1 min
7.0K
ପୋଷ ପୋଷ ପଉଷର
ଆଭାକାନ୍ତ ମହାନ୍ତି
ପୋଷ ପୋଷ ପଉଷର ପୁଲକିଆ ତାତିରେ
ପୁହାଉନି ପାରିଶୁଆ ପତାଖୋଲା ରାତିରେ,
ପୋଖତ ପାଲଟିଲାଣି
ପଇଁତରିଆ କାହାଣୀ,
ପିକଟା ବି ପେଏଁକାଳି ପରଶୁନି ପ୍ରୀତିରେ । ୦ ।
ମିଠା ମିଠା ମହକୁନି ମଲ୍ଲୀ ଆଉ ମାଳତୀ
ମନଫୁଲା ମହୁମାଛି ମହୁ ମୋହେ ଖେଳନ୍ତି,
ଛଣଘରୁ ଛଣାଜହ୍ନ
ଫୁଦୁକୁନି ଫାଙ୍କା ମନ,
ମୂରତିଆ ଭାବ ମିଶେ ମହୁରାଡ଼ି ମତିରେ । ୧ ।
ଛାପିଛାପିକିଆ ଛୁଏଁ ଛଟକିଆ ସ୍ମୃତିଟା
ମଶାଣିର ମୋହ ମିଶି ମାଡ଼ିବସେ ଛାତିଟା,
ଯତନ ଯା' ଜୁଆରିଆ
ଅବଶୋଶ ଅଳସୁଆ,
ଚମକୁଛି ଚିତ୍ତ ଚେତି ଜୁଇ ଜଳା ରୀତିରେ । ୨ ।
ନୂଆସାହି, ବିଡ଼ାନାସୀ
କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****