ରିକ୍ତତାର ଗୌରବ
ରିକ୍ତତାର ଗୌରବ
ରୋମାଣ୍ଟିକ କବି ମାୟାଧର ମାନସିଂହ
ଭାଗ୍ୟ-ଭାର ଯା ନ ଦେଇଛ ମାଥେ
ଶ୍ରେଷ୍ଠ ଆଶିଷ ମୋରେ,
ନୁଆଇଁ ପାରିବି ସହଜେ ଏ ଶିର
ହେ ନାଥ ତୋ ପଦ ତଳେ ।
ଆସନ,ଭୂଷଣ ନ ଦେଇ କରିଛ
ଜୀବନ ମୁକ୍ତ-ଭାର,
ହେ ଦେବ ସେ ଯୋଗୁଁ ଦେଉଳେ ତୁମର
ସହଜ ମୋ ଅଭିସାର ।
ଭିଡ଼ିବାକୁ ପଛୁ ରଖିନା ଯେ କିଛି
ବିପୁଳ ଏ ଜଗତରେ ;
ପରମ ଭାଗ୍ୟ ମୋରେ ।
ଶୂନ୍ୟ ରଖିଛ ପାତ୍ର ମୋର ଯା,
କୃତଜ୍ଞ ସେଥିପାଇଁ,
ପୂର୍ଣ୍ଣହୋଇବ କାଳେ ବା ତୋହର
କରୁଣା-କଣିକା ପାଇ ।
ରିକ୍ତ ଜୀବନ ଦେଇ,ଯା ତୋ ଲାଗି
ତିନ୍ତାଇଲ ଲୋତକରେ,
ଭାଗ୍ୟ ସେ ଜୀବନରେ !
ବହୁଦିନ ପରେ ଜାଣିଲି ତଥ୍ୟ
ସତ୍ୟେ ପାଇଲି ବୁଝି,
ଦୁର୍ଦ୍ଦିନେ କିପାଁ ଡାକିଛି ତୁମରେ
ଲୋତକେ,ନେତ୍ର ବୁଜି !
ନିଃସଙ୍ଗ କରି ସଙ୍ଗ ତୁମର
ଖୋଜାଇଲ ଆଖିଜଳେ,
ଭାଗ୍ୟ କହିବି କା'ରେ ?