ରହିଛି ପ୍ରତୀକ୍ଷା କରି

         

ଏଇ ମନତଳେ କେତେ କଥା ଅଛି

ତୁମକୁ କହିବା ପାଇଁ ,

କଣ୍ଟ ଦେଇଥିଲ ସଅଳ ଫେରିବ

ଏ ଯାଏ ଆସିଲ ନାଇଁ ।

ହେ ମୋର ମନର ମିତ.....

ନବ ବସନ୍ତରେ କୋଇଲିର ସ୍ୱର

ପ୍ରସନ୍ନ କରୁନି ଚିତ୍ତ ।

ତରୁଲତା ଡାଳେ ନାନାଜାତି ଫୁଲ

ମୋହି ପାରୁନି ମୋ ମନ ,

ଅମୂଲ୍ୟ ଦରବ ହଜେଇଲା ପରି

ଲାଗୁଅଛି ରାତି ଦିନ ।

ଆନମନା ହୁଏ ଖାଲି.....

କାଳେ ଆସିଗଲ ଭାବି ମୁଁ ଚମକି

ଅଗଣାକୁ ଯାଏ ଚାଲି ।

ଆଉ କାହା ଭାବେ ବନ୍ଧାପଡ଼ି ତୁମେ

ମୋତେ କି ପାସୋରି ଗଲ ,

କେମିତି ଜାଣିବି ମୁଁ ସେଇ ବାରତା

କଥା ଦେଇ ଯାଇଥିଲ ।

ରହିଛି ପ୍ରତୀକ୍ଷା କରି......

ତୁମ ଅଗଣାକୁ ନେଇଯିବ ବୋଲି 

ସରାଗେ ମୋ ହାତ ଧରି ।।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ ।