ଆସିଲାରେ ଦୀପାବଳୀ



ବରଷକ ପରେ ପହଁଚିଲା ଆସି 

ଧରାଧାମେ ଦୀପାବଳୀ

ଆଲୋକର ପର୍ବ ନାମରେ ନାମିତ 

ପୂଜା ପାଆନ୍ତି ମା'କାଳୀ I 

ବଡ଼ବଡ଼ୁଆଙ୍କୁ ଡକାଯେ ହୋଇବ 

ପିମ୍ପେଇ ଜାଳି ଦାଣ୍ଡରେ 

ଅନ୍ଧାରରେ ଆସି ଆଲୁଅରେ ଯାଅ 

ଥିବ ସଭିଙ୍କ ତୁଣ୍ଡରେ I 

ମହାମବତୀର ମହମ ଆଲୋକ 

ହୋଇଥିବ ଆଲୋକିତ

ଦୀପ ଜଳୁଥିବ ବାଣ ଫୁଟୁଥିବ 

ଚତୁର୍ଦିଗ ପ୍ରକମ୍ପିତ I 

ପିଠାପଣା ବାସ୍ନା ବାସି ଉଠୁଥିବ 

କାହିଁ କେତେ ଘରେ ଘରେ 

ଆନନ୍ଦର ପର୍ବ ଧରାକୁ ଆସଇ 

ବରଷକେ ମାତ୍ର ଥରେ I 

ଖୁସିରେ ସଭିଙ୍କ ମନ ନାଚିଯାଏ 

ଆସିଗଲେ ଦୀପାବଳି 

ଏହି ଦୀପାବଳି ଶୁଭମୟ ହେଉ 

ଖେଳୁ ଖୁସିର ଲହରୀ I 

   

ପ୍ରଶାନ୍ତ କୁମାର ନାଥ 

ସୁନ୍ଦରପୁର,ଉତ୍ତରକୂଳ ହାଟ,ପ୍ରୀତିପୁର,ଯାଜପୁର 

ମୋ-08892301143