Audio

Forum

Read

Contests

Language


Write

Sign in
Wohoo!,
Dear user,
ସେଦିନ ଖିଆଲେ
ସେଦିନ ଖିଆଲେ
★★★★★

© Abhakanta

Others

1 Minutes   106    5


Content Ranking

                           ସେଦିନ ଖିଆଲେ

 

                                                                                           ଆଭାକାନ୍ତ ମହାନ୍ତି

 

                    ସେଦିନ ଖିଆଲେ ମୋ ମନ-ମନ୍ଦିରେ

                                       ତୋଳିଲ ଯେଉଁ ଝଙ୍କାର

                        ଆଜି ବି ଶୁଣୁଛି ବିଭୋର ହୋଇ ମୁଁ

                                      ସେଇ ଛନ୍ଦ, ସେଇ ସୁର । ୦ ।

 

                        ମନଟା ନୁହଁ କାଠ କି ପଥର

                                    ଅବା ଗୋ ମାଟି-ଖେଳନା

                        ଭାଙ୍ଗିଗଲେ ଥରେ ଗଢି ହେବ ବୋଲି

                                     ଭାବିବାଟା ବୃଥା ସିନା

                      ସେଇ ସଉରଭ ହାସ-ପରିହାସ

                                ଫେରାଇବାଟା ଗୋ ନିଠୁର ପ୍ରୟାସ

                        ଆଜି ସିନା ଏଇ ଅବଲମ୍ବନ ଗୋ

                                      ବେପଥୁ ବିହୀନ ସୁର । ୧ ।

 

                         ସରିଛି ଗୋ ଗୀତ ବୀଣାରୁ ଯାହାର

                                         ଜୀବନୁ ତୁଟିଛି ଶିରୀ

                         କି ଲାଭ କହ ବା ଆଜି ଏ ଅଳିକେ

                                         ବୃଥା ଅଭିମାନ କରି

                          ସେଦିନ ହଜିଛି ଦୂରେ ବହୁଦୂରେ

                                   ବ୍ୟର୍ଥତା ଗୋ ଖାଲି ଆଜି ଏଇ ସୁରେ

                        ଜରାଜଷ୍ଟି ପରି ଅତୀତ ଶୋଚନା 

                                      ଆଜିରେ ସିନା ଗୋ ସାର । ୨ ।

 

                                                                           ନୂଆସାହି, ବିଡ଼ାନାସୀ

                                             କଟକ-୭୫୩୦୧୪

                                           ଫୋନ୍-୯୦୪୦୦୦୩୧୦୧

 

 

                                                                                                                                                 

 

 

ସେଦିନ ଖିଆଲେ

Rate the content


Originality
Flow
Language
Cover design

Comments

Post


Some text some message..