ବାଣ ଫୁଟାଇବା ନାହିଁ

ଶବ୍ଦ ପ୍ରଦୂଷଣ ହେଉଥାଏ ପୁଣି

ବାୟୁ ପ୍ରଦୂଷିତ ହୁଏ

ବାରୁଦର ଗନ୍ଧେ ପରିବେଶ ଆମ

ଦୂଷିତ ବି ହୋଇଥାଏ ।

ସତର୍କ ଟିକିଏ ନରହିଲେ ପୁଣି

କେବେ ଲାଗିଯାଏ ନିଆଁ

ଆଖି କାନ କେବେ ଜାଳି ପୋଡି ଦିଏ

ବାରୁଦ ବିଷାକ୍ତ ଧୂଆଁ ।

ଦୀପାବଳି ପରା ଖୁସିର ପର୍ବଟେ

ଖୁସିରେ ରହିବା ପାଇଁ

କରିବା ଶପଥ ଦୀପାବଳି ଦିନ

ବାଣ ଫୁଟାଇବା ନାହିଁ ।

ଦୀପ ଜାଳି ଆମେ ଦୀପାବଳି ଦିନ

ପାଳିବା ଯେ ଦୀପାବଳି

ବାଣ ରୂପେ ଆମେ ଟଙ୍କାକୁ ଆମର

କାହିଁକି ଦେବାରେ ଜାଳି ।

ବାଣ ମଧ୍ୟେ ପୁଣି ଚାଇନାର ବାଣ

ମିଳୁଥାଏ ପରା ବେଶି

ସେହି ବାଣ ଆମେ ଯେତେ କିଣୁଥିବା

ଚାଇନାର ବଢେ ଖୁସି ।