ମୁଁଶୈଶବ ପୀଡ଼ିତା
ମୁଁଶୈଶବ ପୀଡ଼ିତା
ହେଭାଗ୍ୟ ବିଧାତା କଲୁରେ ହୀନସ୍ତା
ଜହ୍ଲାଦ କବଳେ ମୋତେ ;
ନିଷ୍ଠୁର ସେ ପାପୀ ବୁଝିଲାନି କିଛି
ରାକ୍ଷସ ସାଜିଲା ସତେ !!!
ଫୁଲ କଢ଼ିବୋଲି ଦେଲାମୋତେଦଳି
ଆକୁଳେ ଚିତ୍କାର କଲି ;
ପ୍ରତିରୋଧ ଶକ୍ତି ନଥିଲା ମୋ' କିଛି
କେତେ କଲ ବଲ ହେଲି !!!!
କଅଁଳ ଦେହଟା ରକତେ ଭିଜିଲା
ରାକ୍ଷସ ହେଲାନି ଶାନ୍ତି ;;
ମାରି ଦବ ବୋଲି ଦେଲା ତଣ୍ଟି ଚିପି
ପାଇ ଯିବବୋଲି ମୁକ୍ତି !!!
ଏକି ହୀନ କର୍ମ କଲୁରେ କୁକର୍ମ
ପଶୁ ଠାରୁ ହେଲୁ ହୀନ ;;
ନୁହେଁ ତୁ ମଣିଷ ସମାଜେ କଳଙ୍କ
ଜୀବଜଗତ ରୁ ଭିନ୍ନ !!
ପିଲା ପରିବାର ନାହିଁ କି ତୋହର
ସମାଜ ରେ ନାହିଁ ଘର ;
କାମାନ୍ଧ ସାଜିଲୁ କଢ କୁ ଦଳିଲୁ
ଏକି ହୃଦୟରେ ତୋର !?!
ସଂସାର ବିଚାର ସତେ ଅଗୋଚର
ଜାଣେ ନାହିଁ ମୁଁ'ଯେ କିଛି ;;
ଢାଳି ଦେଲୁ ବିଷ କରିତୁ' ଦଂଶନ
ଯାଉଛି ମାଆକୁ ମୁର୍ଛୀ !!!
ଦୁନିଆଁ ଛାନିଆଁ ଲଗେଇଲୁ ନିଅାଁ
ଜଗତେ ପଡିଲା ହୁରି ;;
କୋଉ ଭରସାରେ କାହା ବିସ୍ଵାଶରେ
ଶିଶୁ ଟେ ଖେଳିବ ଧୂଳି !!!!
ତୋ'ର ପାପୀ ଆଖି ଆଉ ପଡିବକି ?
କଅଁଳ ବୟସୀ ଦେଖି ;;
ସେଥି ପାଇଁ ବୋଧେ ମନପାପ ଛୁଁଏ
ମାଆ ମନ ଯାଏ ଶୁଖି !!!
ତୋ' ନିଷ୍ଠୁର ହସ୍ତରେ ମୁଁ 'ରକ୍ତାତ ରେ
ସଂଜ୍ଞା ମୋ ଫେରିଲା ନାହିଁ ;
ଚିକିତ୍ସା ବ୍ୟବସ୍ଥା ରଖିଥିଲା ଆସ୍ଥା
ବଞ୍ଚିବି ବୋଲିରେ ମୁଁହିଁ ;;!!
ସବୁ ଆଶା ସ୍ୱପ୍ନ ହେଲା ଧୂଳିସାତ
ମାଆ ମୋକାନ୍ଦୁଛି କହି ;
କାହିଁଗଲୁ ମୋର ନିରିମାଖୀ ଫୁଲ
ଜୀବନ ହାରିବି ମୁହିଁ !!!
ମୁଁ 'ସିନା ଯାଇଛି ମାଆ କୋଳ ଛାଡ଼ି
ଯନ୍ତ୍ରଣା କଷଣ ଭୋଗି ;
ତୁଉ' ଝୁଲିବୁରେ ସର୍ବ ସମ୍ମୁଖରେ
ଫାଶିଖୁଂଟେ କାନ୍ଦି କାନ୍ଦି !!!
ସଦାନନ୍ଦ ସାହୁ ;
ଧୁରୁସିଆ ;
ଆଠଗଡ ; କଟକ ;
ଦୂରଭାଷ ନଂ-9777 36 11 78