ବିଶ୍ୱାସ
ବିଶ୍ୱାସ
1 min
283
ତୁମେ ଘୁଞ୍ଚି ଆସ
ନଈ ପାଣିରେ ପହଁରୁଛି ଜହ୍ନ,
ଜ୍ୟୋସ୍ନା ରେ ଭିଜି ଭିଜି
ଫୁଲିଲାଣି ନଈ
ଛୁଇଁବାକୁ ଦୁଇକୂଳ
ବାଲି ପଠାକୁ ଧସେଇ |
ବତୁରିଯିବ ଜହ୍ନ ରାତି
ତୁମେ ଖୋଲ ଆଖି,
ଆହୁରି ପାଖେଇ ଆସ
ଦେଖ! ତୁମ ମୁହଁ ପହଁରୁଛି
ମୋ ଆଖିରେ
ଜହ୍ନଟିଏ ହୋଇ,
ଆଖି ମୋର ନଈ
ଲୁହ ତାର ପାଣି
ସେ ଲୁହରେ ଖେଳୁଥା
ଆଖି ପତା ଛୁଇଁ ଛୁଇଁ |
ତୁ କେବେ ଜହ୍ନଟିଏ
ମନ ଆକାଶରେ
ଦୀପଟିଏ ସଞ୍ଜ ଅନ୍ଧାରରେ,
ଆମେ ଦୁହେଁ ଜହ୍ନ ଆଉ ମନ
ଗୋଟିଏ ତୁଳିର,
ତାଜମହଲ ର ଭାବନାରେ
ମୁଁ ସାହାଜାହାନ
ହଜାରେ ବିଶ୍ୱାସର |
*****************
ଡଃ ଶଶୀ ଭୂଷଣ ମହାପାତ୍ର