ମୋ ଅଗଣାକୁ ଆ'....

ମୋଅ ଅଗଣାକୁ ଆ'...ଆ ଥରେ କାହ୍ନୁ

ଦୁଧ,ଦହି,ସର ଖା'...

ମନ ହରଷରେ-ମଧୁର ତାନରେ

ମୁରଲୀ ବଜେଇ ଯା'...।(୦)

ମିଠା,ମିଠା ତୋର କଥାରେ କହ୍ନେଇ ,

ଅବୁଝା ମନକୁ ଦେଇଯା' ମନେଇ ;

ଅଭିଯୋଗ ଆଉ କରିବିନି ଯାଇ-

ତୋ ନାମେ ,ନିଶ୍ଚିନ୍ତ ଥା'...।(୧)

ଦୁଧ,ଦହି,ସର ଖା'....।

ମୋଅ ଅଗଣାକୁ ଆ'...ଆ ଥରେ କାହ୍ନୁ

ଦୁଧ,ଦହି,ସର ଖା'...

ମନ ହରଷରେ-ମଧୁର ତାନରେ

ମୁରଲୀ ବଜେଇ ଯା'...।

କରିଅଛୁ ତୁ ରେ ମୋତେ ଯେତେ ସରି ,

ଆଗକଥା ସବୁ ଦେବି ମୁଁ ପାସୋରି ;

ରଖିବିରେ ତୋତେ ଗଳାମାଳି କରି-

ଦରଶନ ଦେଇ ଯା'...।(୨)

ଦୁଧ,ଦହି,ସର ଖା'....

ମୋଅ ଅଗଣାକୁ ଆ'...ଆ ଥରେ କାହ୍ନୁ

ଦୁଧ,ଦହି,ସର ଖା'...

ମନ ହରଷରେ-ମଧୁର ତାନରେ

ମୁରଲୀ ବଜେଇ ଯା'...

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।