ମୋର ପରିଚୟ
ମୋର ପରିଚୟ
ଉଣିଶ ଶହ ତେଷଠୀର ମେ ମାସ ଦିନ
ଛବିଶି ତାରିଖ ସନ୍ଧ୍ୟା ମୋ ଜନ୍ମର କ୍ଷଣ ॥
ବଙ୍ଗୀୟ କରଣ ମୁହିଁ ଉଚ୍ଚ କୂଳେ ଜାତ
ପିତା ଶ୍ରୀରାମକୃଷ୍ଣ ସମାଜେ ଆଦୃତ ॥
ମାତା ମୋର ବିମଳା ଦେବୀ ଅକାଳେ ପ୍ରୟାତ
ଛଅ ଭାଇ ତିନି ଭଉଣୀ ସର୍ବେ ପ୍ରତିଷ୍ଠିତ ॥
ଏକମାତ୍ର କନ୍ୟାରତ୍ନ ଉଚ୍ଚ ପାଠରତା,
ଧର୍ମପ୍ରାଣା ପତ୍ନୀ ମୋର ନାରୀ ପତିବ୍ରତା ॥
ଘର ମୋ ପଶ୍ଚିମବଙ୍ଗ ବାଙ୍କୁଡା ଜିଲ୍ଲାରେ
ଆଦିବାସୀ ଅଧ୍ୟୁଷିତ ଅତି କ୍ଷୁଦ୍ର ଗାଁରେ ॥
ଘନ ବଣ ପଥହୀନ ପ୍ରକୃତିର କୋଳ
ଶସ୍ୟ ଶ୍ୟାମଳ କ୍ଷେତେ ବିତେ ବାଲ୍ୟକାଳ ॥
ଉଚ୍ଚବିଦ୍ୟାଳୟ ଆଉ ମହାବିଦ୍ୟାଳୟ
ବହୁଦୂରବର୍ତ୍ତୀ ସ୍ଥାନେ ଶିକ୍ଷାର ଆଳୟ ॥
ବଙ୍ଗଳା ଭାଷା ମଧ୍ୟମରେ ପାଠ କରି ଶେଷ
ଗୃହ ଛାଡି କର୍ମଭୂମି ଠାକୁରଙ୍କ ଦେଶ ॥
ଉତ୍କଳ ଜନନୀଙ୍କ ପଣତ ଛାୟା ତଳେ
ବିତିଲା ତିନି ଦଶକ, ମମତା ଆଞ୍ଚଳେ ॥
ଚାଳିଶି ବରଷ ମୋର, ବୟସ ଯେତେବେଳେ
ଓଡ଼ିଆ ପାଠରେ ମନ ଦେଲି ସେତେବେଳେ ॥
ଅକ୍ଷର ସାଥେ ପରିଚୟ, ଲେଖିବା ପଢିବା
ବଢିଲା ଆଗ୍ରହ ମୋର ଓଡ଼ିଆ ଶିଖିବା ॥
ସେଦିନଠୁ ଆଜି ଯାକ ଶିଖିଲି ଯେତିକି
ଉପସ୍ଥାପନ କଲି ଏଇ କାବ୍ୟ ଗ୍ରନ୍ଥ ଲେଖି ॥
ଏଇ ହେଲା ସଂକ୍ଷିପ୍ତରେ ମୋର ପରିଚୟ
ଶ୍ରମ ସାଧ୍ୟ କାବ୍ୟ ମମ ପଢନ୍ତୁ ନିଶ୍ଚୟ ॥
ଶିକ୍ଷାର ବୟସ ନାହିଁ ସ୍ଥାନ, କାଳ, ପାତ୍ର
ନିବେଦନ, ଇତି, ବିନୀତ କବି ଅରୁଣ ମିତ୍ର ॥