ଧୂର୍ଜଟୀ ଧ୍ୟାନ
ଧୂର୍ଜଟୀ ଧ୍ୟାନ
ଧୂର୍ଜଟୀ ଧ୍ୟାନ
ଆଭାକାନ୍ତ ମହାନ୍ତି
ହିଆ ତଳେ ହାଏ ହୁତୁହୁତୁ ଜଳେ
ହା'ହତାଶିଆ ହୋମ
ସ୍ମୃତିର ସମିଧ ସାଉଁଟି ସାଉଁଟି
ସାରେ କର୍ମାଣିର କର୍ମ ।
ମରି ତ ଗଲାଣି ମରମୁ ତମାମ
ମଧୁ ମହୁଲ ମହକ
କରିଲା କବଳ କୋହ ହୃଦେ କେତେ
କଳାବତୀର କୁହୁକ ।
ଚିତ୍ରୋତ୍ପଳାର ଚଉଡ଼ା ଚଡ଼ାରେ
ଚମ୍ପା ଚହଟି ଚାହେଁ
ଚଉଦ ଚମକେ ଚିତ୍ତ ଚହଲିଲା
ଚମରୀ ଚାମର ପ୍ରାୟେ ।
ବିପ୍ର ବାଟିକାରେ ବୁଲି ବାରେ ବାରେ
ବାଛିଥିଲି ଶାଳଗ୍ରାମ
ଭାସୁଥିଲି ଭୋଳେ ଭାଳି ଭବିତବ୍ୟ
ଭାଙ୍ଗିଲା ଭାବନା ଭ୍ରମ ।
ବାଧ୍ୟେ ବାଉଳାରେ ବାଛି ବାଛି ବୀଜ
ବୁଣେ ଚଷି ବାରବାଟୀ
ଦଦରା ଦଇଆ ଦମ୍ଭେ ଦୃଢ଼େ ଦେଇ
ଦରିଆର ପରିପାଟୀ ।
ଦୃଷ୍ଟି ଦଉଡୁଛି ଦିଗନ୍ତ ଦାଢ଼ରେ
ଦରାଣ୍ଡି ଦଣ୍ଡର ଆଳ
ପ୍ରତ୍ୟୟ ପାଏନା ପ୍ରଜାପତି ପଙ୍ଖେ
ପାହାଡ଼ଟା ଫାଳ ଫାଳ ।
ପାଛୁଡ଼େ ପାଉଁଶ ପାଇବା ପାଇଁକି
ପାଂଶୁଳ ପ୍ରମାଣ ପ୍ରାୟ
କେବେଠୁଁ କର୍ପୂର ଉଡ଼ିଛି, କନାଟା
କାଳର କବଳ ହାୟ !
ଧିଟପଣ ଧରି ଧୂସର ଧଉଳି
ଧରିଛି ଧୂର୍ଜଟୀ ଧ୍ୟାନ
ହାରାହାରି ହରା ହୃଦୟ ହାରେମ୍
ହେବାରୁ ହରିଦ୍ରା ବର୍ଣ୍ଣ ।
ନୂଆସାହି, ବିଡ଼ାନାସୀ, କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****