ଅଂଶୁଘାତ ହେବ ନାହିଁ
ଅଂଶୁଘାତ ହେବ ନାହିଁ
ବାଟେ ଯାଉଥିଲା ବାଟୋଇ ଭାଇଟେ
ହେଉଥିଲା ଭାରି ଖରା
ଗମ୍ ଗମ୍ ହୋଇ ବହୁଥିଲା ଝାଳ
ତାତିଥିଲା ପୁରା ଧରା ।
ପକ୍କା ସଡକଟା ତାତି ଯାଇଥିଲା
ନଥିଲା ପାଦରେ ଜୋତା
ଭୁଲି ଯାଇଥିଲା ସାଥିରେ ତାହାର
ଆଣିବା ପାଇଁକି ଛତା ।
ପାଣି ବୋତଲଟେ ସାଥେ ନେଇଥିଲା
ଯାଇଥିଲା ତାହା ତାତି
ସେହି ପାଣି ଟୋପେ ପାଟିକୁ ତା ଗଲେ
ଫାଟି ଯାଉଥିଲା ଛାତି ।
ନିଶ୍ୱାସ ନେବାକୁ ଭାରି କଷ୍ଟ ହେଲା
ଲାଗୁଥିଲା ଭାରି ଥକ୍କା
ସତେକି ଯେମିତି ଅଂଶୁଘାତ ହେବ
ନଥିଲା କାହାର ଦେଖା ।
ଦୂରରୁ ଦେଖିଲା ବରଗଛଟିଏ
ପ୍ରସସ୍ଥ ତାହାର ଡାଳ
ଧାଇଁ ଗଲା ସେହି ଗଛର ପାଖକୁ
ହୋଇ ଡହଳ ବିକଳ ।
କାନ୍ଧରେ ତା ଥିଲା ଗାମୁଛା ଖଣ୍ଡିଏ
ତଳେ ପାରି ଶୋଇଗଲା
ଅଂଶୁଘାତ ସତେ ପାଖକୁ ତା ଆସି
ଦୁରେ ପୁଣି ଚାଲିଗଲା ।
ସେଇଠି ବସିକି ଭାବିଲା ଘଡ଼ିଏ
ଘରୁ ବାହାରିଲା ବେଳେ
ଛତା ନେଇଥିବ ସାଥିରେ ତାହାର
ଜୋତା ଥିବ ପାଦ ତଳେ ।
ଲେମ୍ବୁ ପାଣି ଆଉ ଘୋଳ ଦହି ପିଇ
ପେଟକୁ ଦେଵ ତା ଶାନ୍ତି
ପଖାଳ ଗଣ୍ଡିଏ ନିତି ସେ ଖାଇବ
ମେଣ୍ଟିଯିବ ତାର କ୍ଲାନ୍ତି ।
ପ୍ରଶାନ୍ତ କୁମାର ନାଥ
ସୁନ୍ଦରପୁର,ଉତ୍ତରକୂଳ ହାଟ୍,ପ୍ରୀତିପୁର,ଯାଜପୁର ।
ମୋ-୮୩୧୦୩୨୮୩୪୫