ଦୂର ହେବେ ଭଣ୍ଡ
ଦୂର ହେବେ ଭଣ୍ଡ
ଧର୍ମକୁ ବିଧର୍ମେ ନେଇ
ଚାଲୁଅଛି ଖେଳ
ସେ ଖେଳରେ ବୁଦ୍ଧିମାନ
ହେଉଛନ୍ତି ମେଳ ।
କାହିଁ ଲାଗେ ଏଠି ସବୁ
ସ୍ଵାର୍ଥେ ଧର୍ମ ସ୍ଥଳେ
ନୀରିହ ଲୋକଙ୍କୁ ନେଇ
ଲକ୍ଷ୍ୟ କରେ ଛଳେ ।
ମାନବ ଧର୍ମ ଯେ ଆଜି
କାହିଁ କେତେ ଦୂର
ଧର୍ମାନ୍ଧ ଧର୍ମରେ ବୁଡି
ହେଉଅଛି କ୍ରୁର ।
ବୟସ୍କ ଯେ ହୋଇ ଆଜି
ପିଲାମିର ମତି
ବୟସ୍କ ହେବାକୁ ଲୋଡା
ଚେତନାର ଗତି ।
ନିଜେ ହେଲେ ସଚେତନ
ଦୂର ହେବେ ଭଣ୍ଡ
ସବୁ ଚକ୍ରାନ୍ତ ତାଙ୍କର
ହୋଇଯିବ ପଣ୍ଡ ।
------------------------------------
ଅମୂଲ୍ୟ କୁମାର ପଣ୍ଡା
ଅରଙ୍ଗାବାଦ୍ , ବରୀ, ଯାଜପୁର