ବେସୁରା ଗୀତି-୭୧୯
ବେସୁରା ଗୀତି-୭୧୯
1 min
6.3K
ବେସୁରା ଗୀତି-୭୧୯
କାହିଁକି ବର୍ଷା ତୁ ଫେରି ଚାଲିଗଲୁ
ମନ ଖୋଲି କହ ଆଜି,
କାହିଁକି ସାଥିରେ ନେଇ ଗଲୁ ସବୁ
ଜୀବନର ସୁଖରାଜି ॥
କିଏ ଡାକିଥିଲା ଆସିବା ପାଇଁ କି
ଆସିଲୁ ତ ଭଲ କଲୁ,
ତାହେଲେ କାହିଁକି ହୃଦୟ ଭାଙ୍ଗିଲୁ
ସବୁ ସୁଖ ନେଇଗଲୁ ॥
ତୋ ପରଶ ଟିକେ ପାଇବା ପାଇଁକି
ବସିଥିଲା କିଏ ଚାହିଁ,
କେଉଁଥି ପାଇଁକି ମନ ଭାଙ୍ଗି ଦେଲୁ
କହି ଦେଲୁ ନାହିଁ ନାହିଁ ॥
ତୋ ପାଇଁକି ପରା କେହି ଜଣେ ଏଠି
ସିଝିଥିଲା ନିଦାଘ ରେ,
ଭାବିଥିଲା ସିଏ ସବୁ ଭୁଲି ଯିବ
ତୋ ପରଶ ପାଇଗଲେ ॥
ଏବେ ମୁଁ କହୁଛି ତୋ ମନ ବଦଳେଇ
ଆ ବେଗି ବେଗି ଚାଲି,
ନ ହେଲେ ହୁଏତ ତୁ ଆସିବୁ ସତ
ସବୁ ଯାଇଥିବ ସରି ॥