ଅନୁଶୋଚନା

ଏ କେମିକା ପୁଅ ଭଲା

ପାଠ ପଡ଼ିସାରି ଚାକିରି କରିବାଟା କାଳ ହେଲା

ନିଜ ଇଛାରେ ବିବାହ କରି

ସ୍ତ୍ରୀକୁ ନିଜର କରି

ଦେଖ ଆଜି ବାପା ମା' କୁ ପର କଲା ||

ନିଜ ଅନ୍ତରକୁ ପଥର କରି

ନିଜ ଭୋକକୁ ଭିତରେ ମାରି, ବାପ ବଡ଼ କରିଥିଲା

ସେହି ପୁଅ ଦେଖ ବାପ ଆହାରକୁ

ଗୋଡ଼ରେ ଆଡ଼େଇ ଦେଇ

ପୁଣି ବାହାରେ ଗଡ଼େଇ ଦେଲା ||

ଭାବିଥିଲା ବାପ ବଡ଼ହୋଇ ପୁଅ

ବାପ ସେବା କରିବ ଓ ହାତ ଧରି ବାଟ ବଢି଼ବ

ହେଲେ ବାପ ହାତ ପୁଅ ଛାଡ଼ିଦେଇ

ଏଠି ସ୍ତ୍ରୀ କାନି ଧରି

ଆଜ୍ଞାଧୀନ ଛାତ୍ରପରି ଦେଖ ଚାଲିବ ||

ବୁଢା଼ ବାପ ଆଉ ଖଟି ପାରେନାହିଁ

ବାର୍ଧ୍ୟକ୍ୟ ଗଲାଣି ବଢ଼ି ଥରୁଥାଏ ହାତେ ବାଡ଼ି

ପୁଅ ନାଚ କରେ ଡ଼ିସ୍କୋ ପାର୍ଟିରେ

ସ୍ତ୍ରୀ ର ହାତକୁ ଧରି

ପୁଣି ବାପକୁ ବୃଦ୍ଧାଶ୍ରମେ ଛାଡ଼ି ||

ଆଶ୍ରମରେ ଛାଡ଼ି ପୁଅ ବାହୁଡିବା ବେଳେ

ବାପ ହସଗପ କରୁଥାଏ, ପୁଅପଛକୁ ଚାହିଁ ଦେଖେ

ପୁଣି ଆଶ୍ଚର୍ଯ୍ୟ ହୋଇ ଫେରେ

ବାପ କହେ ତୁ ବି ଥିଲୁ ଅନାଥ

ପାଳିଥିଲି ତୋତେ ଏଇଠୁ ନେଇ ପାଖେ ||

ପୁଅ ଆଖି ହୁଏ ଲୁହେ ଛଳ ଛଳ

କୋହ ସମ୍ଭାଳି ନପାରି ଜାଣ ଧରିଲା ବାପର ପାଦ

ଆଉସେ ଭୂଲ୍ ହୋଇବ ନାହିଁ

ଭୁଲ୍ ମାଗେ ଧରି କାନ

କ୍ଷମା କରିଦିଅ ଆଜି ଭାଙ୍ଗିଗଲା ମୋର ନିଦ ||

(ପୁଅ ତା ବାପର ବାର୍ଧ୍ୟକ୍ୟ ସମୟରେ ସେବା ନକରି ଆଶ୍ରମରେ ଛାଡି ଫେରୁ ଥିବା ସମୟରେ ପଛକୁ ଦେଖେ ବାପ ଅନୁଶୋଚନା ନକରି ସେ ମାଲିକ ସହିତ ଖୁସି ଗପ କରୁଥାଏ ଆଗରୁ ପରିଚୟ ଥିବା ପରି , ପୁଅ ଆଶ୍ଚର୍ଯ୍ୟ ହୋଇ ପୁଅ ପୁଣି ଫେରେ, ବାପ କହେ ଆରେ ତୁ ବି ଜଣେ ଅନାଥ ମୁଁ ତୋତେ ଏହି ଅନାଥଶ୍ରମରୁ ପଚିଷ୍ ବର୍ଷ ପୂର୍ବରୁ ନେଇ ପାଳିଥିଲି ତେଣୁ ମୋର ଏଠି ରହିଲେ କିଛି ଅସୁବିଧା ନାହିଁ, )

CMA ନିରଞ୍ଜନ ପଣ୍ଡା

ଗ୍ରାମ- ପୁରଣ ପଧାନ, ଶିଶିଲୋ ,ବାଳକାଟି

ଖୋର୍ଦ୍ଧା, 8093898984

ପିନ୍-752100