ତୋ' ବିନା
ତୋ' ବିନା
1 min
7.1K
ଶରଦ ଶ୍ରୀହୀନ ବସନ୍ତ ବିଦୀର୍ଣ୍ଣ
ସୁଖିଲାଣି ସୁଖ ମୋହ
ଜୀବନ ବାଟିକା ଲାଗେ ମରିଚିକା
ବିଦଗ୍ଧି ହୃଦୟେ କୋହ.... ।
ଯୌବନ ଭ୍ରମୁଛି ସ୍ମୃତିନଦୀ ତୀରେ
ଖୋଜି ଖୋଜି ମଧୁଗୀତି
ସାତ ସପନ ସେ ମୃଦୁ ଚୁମ୍ବନଟା
ବିରହ ଖୋଜଇ ରତି.... ।
ମନ ମନ୍ତ୍ରଣାରେ ବିବେକ ବିବଶ
ବିଗତ ସ୍ମୃତିକୁ ଝୁରି
ବାଧ୍ୟ ବାଧ୍ୟତାରେ ଜୀଉଁଛି ଜୀବନ
ଜିଅନ୍ତା ଶବଟେ ପରି.... ।
ଜୀବନଟା ଏଠି ତମସା ଆଚ୍ଛନ୍ନ
କାଳବୈଶାଖିର ଭୀତି
କି' ସରାଗେ ଆଉ ଖୋଜିବି ପୁନେଇଁ
ଜହ୍ନ ଜୋଛନାର ରାତି.....।