ମାଆ
ମାଆ
1 min
7.3K
ଦୁଇଟି ଅକ୍ଷର ରେ, କୋଟିଏ ବ୍ରହ୍ମାଣ୍ଡ l
ବେଦ ନିଃଶୃତ ଓଁକାର ତା କଣ୍ଠରୁ ଝରିଯାଏ,
ନାନାଵlଇଆ ଗୀତରେ..... ସେ କୋକିଳା l
କୃତଜ୍ଞତାର ସହସ୍ର ଅଞ୍ଜୁଳି କମ ପଡ଼େ
ତା ତ୍ୟାଗ ଓ ମମତା ର
ବନ୍ଧନ ଆଗରେ...... ସେ ସର୍ବଂସହା l
ଅବର୍ଣ୍ଣନୀୟ ସେ ଶବ୍ଦରେ ଅନେକ କୁହୁକ,
ଅନେକ ଭରସା ଓ ଅସରନ୍ତି
ଅମୃତ ର ଧାରା........ ସେ ଅମୃତମୟୀ l
ସଳିତା ପରି ଜଳି ଅନ୍ୟକୁ ସେ,
କରେ ଆଲୋକିତ ;
ଚକର ଅଖ ପରି ଧରିରଖିଥାଏ
ସବୁକିଛି କାନିର ଗଣ୍ଠିରେ........ ସେ ସ୍ୱୟଂସିଧl
ତା ଅବର୍ତ୍ତମାନରେ ସବୁକିଛି ତ ଅସଜଡ଼ା
ଉଜୁଡା କ୍ଷେତ ;
କିଏ ବା ବୁଝେ ତାକୁ?
ଏମିତି ଆସି, ଏମିତି ଚାଲିଯାଏ,
ଚୁପଚାପ....... ସେ ସ୍ଥିତପ୍ରଜ୍ଞା
ଶୂନ୍ୟସ୍ଥାନ ରହିଯାଏ ଶୂନ୍ୟସ୍ଥାନ ହୋଇ.